۲۰۱۸-جی ایلین مای آیین‌دا آمریکا بیرلشمیش ایشتاتلارینین پرزیدنتی دونالد ترامپین دایاندیریلمیش سانکسییالاری یئنی‌دن تطبیق ائتمکله، رسمی تهرانلا ۵+۱ اؤلکه‌لری آراسین‌دا ۲۰۱۵-جی ایلده ایمضالانمیش نووه راضیلاشماسین‌دان چیخماسینی اعلان ائتدیک‌دن سونرا ایران اقتصادیاتی آجیناجاق‌لی گونلرینی یاشاییر.

بو فاکتی ایران پرزیدنتی حسن روحانی ده اعتراف ائدیر. او، نویابر آیینین ۱۲-ده کیرمان ویلایتینین رسمیلری ایله کئچیردیی گؤروش زامانی سون بیر نئچه آیی ایرانین ۱۹۷۹-جو ایل اینقیلابین‌دان سونرا یاشادیغی ان پیس گونلر آدلاندیرمیش، ائل‌جه ده حاضردا اؤلکه‌نین چوخ آغیر وضعیت‌ده اولدوغونو دئمیشدی.

خصوصیله، آمریکانین ۲۰۱۸-جی ایلین نویابر آیینین ۵-ده ایرانین اساس بودجه گلیرلرینی تشکیل ائد‌ن نفت و گاز سکتورونا تطبیق ائتدیی سانکسییالار مؤوجود وضعیتین یارانماسینا ان چوخ تأثیر گؤستره‌ن عامل حساب ائدیلیر.

آمریکانین ایرانین انرژی، بانک، ترانسپورت و گمی قاییرما سئکتورلارین‌دان توتموش، پتروشیمی، مئتاللورگییا و تیکینتی ساحه‌لرینه قارشی قبول ائتدیی سانکسییالار دا بو ایستیقامت‌ده افکتیو رول اویناییب. ایرانین بیر گروپ حقوقی و فیزیکی شخصینه قارشی قبول ائدیلمیش امبارقولار دا اؤلکه‌نین خاریجی شیرکت و اؤلکه‌لرله امکداشلیغین‌دا پروبلئملر یارادیب، بو ایسه اؤز نؤوبه‌سین‌ده گلیرلرین آزالماسینا منفی تاثیرلرینی گؤستریب.