آنا صحیفه توپلوم |
گونئی آذربایجاندا کند اهالیسینین مکتب چاتیشمازلیغی بوتون ایالتلرده بؤیوک پروبلئمه چئوریلیب.
آخار. آذ خبر وئریر کی، شرقی آذربایجان ایالتینده یئرلشن خودآفرین شهرینین عرضین کندی اهالیسینین اوشاقلاری دا چوخ آغیر وضعیتده تحصیل آلیر، اونلار برباد وضعیتده اولان سؤزده مکتبده درس اوخویور.
معلوماتا گؤره، بیرینجی و ایکینجی صینیفین درس ساعتلاری عینی واختدادیر، شاگیردلره بیر اوتاقدا درس کئچیریلیر. خصوصی ایله بیرینجی صینیفین معلمی آیدا بیر دفعه مکتبه گلیر. بو او دئمکدیر کی، شاگیردلر بیرینجی صینیفی دوزگون باشا وورمادان ایکینجی صینیفه داخیل اولورلار.
معین موسوملرده کنده قاییدان عائلهلری نظره آلماساق، عرضین کندینده ۶، ۷ عائله قالیب. معلوماتا گؤره، بو عائلهلرین ده کنددن کؤچمک اوچون مادی ایمکانلاری یوخدور و یا یاشلی عائلهلر حساب اولونور.
عرضین کندی و کندین مکتبینده یاشانان آجیناجاقلی وضعیت گونئی آذربایجانین دیگر کندلرینین وضعیتی ایله جدی فرقلنمیر. آذربایجان کندلرینین اکثریتینده اوشاقلار برباد وضعیتده اولان مکتبلرده تحصیل آلیر.
تاریخ
2019.12.02 / 18:50
|
مولف
Axar.az
|