یوخاری

ایران‌دا اولو اؤندرین خاطره‌سینه حصر ائدیله‌ن آکسییا تشکیل اولوندو

آنا صحیفه توپلوم
12 Punto 14 Punto 16 Punto 18 Punto

خالقیمیزین عموم‌میللی لیدئری حیدر علیئوین ابدیته قوووشماسینین ۱۶-جی ایلدؤنومو ایله باغلی آذربایجانین ایران‌داکی سفیرلیگی خئیرییه آکسییاسی کئچیریب.

آخار. آذ خبر وئریر کی، اولجه سفیرلیین امکداشلاری حیدر علیئوین بوستو اؤنونه توپلاشاراق اونون خاطره‌سینی بیر دقیقه‌لیک سوکوتلا یاد ائدیبلر. آذربایجانین ایران‌داکی سفیری بونیاد حسینوو عموم‌میل‌لی لیدر حیدر علیئوین حیات و سیاسی فعالیتی حاقین‌دا گئنیش معلومات وئریب. قید اولونوب کی، محض حیدر علیئوین دوشونولموش سیاستی نتیجه‌سین‌ده اؤلکه‌ده اجتماعی-سیاسی ثابت‌لیک برپا اولونوب و پراقماتیک خاریجی سیاست کورسو معینلشیب. ایران آذربایجانین یاخین قونشوسو اولدوغو اوچون بو دؤولتله علاقه‌لره خصوصی دقت وئریلیب و قارشی‌لیق‌لی علاقه‌لر صمیمی دوستلوق مناسیبتلری ایستیقامتین‌ده اینکیشاف ائتمه‌یه باشلاییب. بو گون آذربایجان پرزیدنتی ایلهام علیئو اولو اؤندرین سیاسی کورسونو اوغورلا داوام ائتدیره‌رک ائرمنیستان استثنا اولماقلا بوتون دؤولتلرله یاخین علاقه‌لرین قورولماسینا نایل اولوب.

سونرا سفیرلیین امکداشلاری اولو اؤندرین اؤز فعالیتین‌ده دایم هومانیزم پرینسیپلرینی اساس توتماسینا ایستیناد ائد‌رک تئهران‌داکی «قدیر» خئیرییه موسسه‌سینین فیزیکی و زهنی جهت‌دن قصورلو خسته قیزلارین یاشادیغی ایمام علی کومپلئکسینی زیارت ائدیبلر.

«قدیر» خئیرییه موسسه‌سینین امام علی کومپلئکسینین دیرکتورلار شوراسینین صدری حسین زاجکانیها آذربایجان سفیرلیینین بو آکسییاسینی یوکسک قیمتلندیردیینی بیلدیریب. او دئییب: «سیز بورا حیدر علیئوین اؤولادلاری کیمی گلمیسینیز. معاصر زامان‌دا هومانیزم و خئیرییه‌چی‌لییه داها چوخ احتیاج دویولور. بئله موسسه‌لرین ساکینلرینین یاد ائدیلمه‌سی اینسان‌دا سؤزله ایفاده اولونمایان حسلر یارادیر».

سون‌دا موسسه‌ده یاشایانلارین گونده‌لیک ایستیفاده ائتدیکلری درمانلارین بیر آیلیق خرجی تقدیم ائدیلیب.

تاریخ
2019.12.11 / 21:41
مولف
Axar.az
شرح لر
دیگر خبرلر

آذربایجان‌دا پ.ک.ک شنلیگی باش توتدو

میرشاهین آغایئو پرزیدنته تشکر ائتدی - فوتو

ایرانین کئچمیش پرزیدنتینین آدی کورروپسییا ایشینده حاللانیر

ایران سفیری مسکوا تراکتی ایله کرمان ترورونو عینیلشدیردی

ایران‌دا ۱۳ میلیون استیفاده‌یه یارارسیز آوتومبیل وار

تبریز بازارین‌دا رستورانلار باغلاندی

تبریزده مسجیدده پارتلاییش باش وئردی - ویدئو

ایران مئدیاسین‌دا موسوی‌یه قارشی هجوملار داوام ائدیر

اورمییا گؤلو اطرافین‌دا دوز فیرتیناسی اولدو

ایران‌دا ۱۱ قادین فعالا آغیر حبس جزاسی وئریلدی

خبر خطّی
Axar.az'da reklam Bağla
Reklam
Bize yazin Bağla