آنا صحیفه توپلوم |
اؤلکه ایندیکی مشغوللوق سایینی قورویا بیلسه، ائلجه ده ۲۰۲۱-جی ایلین سونونا قدر آزی ۱ میلیون یئنی ایش یئری یارادیلسا بئله ۲ میلیون ۲۶۱ مین اینسان ایشسیز قالاجاق.
آخار. آذ خبر وئریر کی، ایران پروگرام و بودجه تشکیلاتی اؤتن ایلین سونوندا رسمی ایشسیزلرین سایینین ۳ میلیون ۲۶۱ مین نفر اولدوغونو گؤستریب. بو دؤولت اورگانی اؤلکهنین ایش بازارینا یئنی بیر یاناشما اؤنریر. بئله کی، ایشی اولان، اما موقتی و یاریمچیق ایشلهیهنلر ده ایشسیز ساییلمالیدیر. بئلهلیکله، کئچهن ایلین سونوندا حقیقی ایشسیزلرین سایی ۶ میلیون نفره چاتیب.
اؤلکهنین ایش بازاری حاقدا حقیقی تسووور یارادان بو ایستاتیستیکالار گؤستریر کی، دؤولت اؤز اؤمرونون سونونا قدر داها ۱ میلیون نفری ایش بازارینا داخیل ائده بیلسه و ایندیکی ایشلهیهنلر ده اؤز ایشینی ایتیرمهسهلر، گلهجک حکومت آزی ۶ میلیون ایشسیزله اوز-اوزه قالاجاق.
حال بوکی، بانک منبعلری، میللی اینکیشا پلانی ساندیغینین کردیتلری و دؤولتین عمومی بودجهسی بو طلبلره جواب وئرمک گوجونده دئییل. اؤلکه اقتصادیاتی ایشسیزلر بحرانیندان کئچهرک، خاریجی کردیتلردن ایستیفاده ائتمهیه، ایش موحیطینی یاخشیلاشدیرماغا و ۸ فایزدن چوخ اقتصادی ترققییه چاتماغا مجبور اولاجاق.
تاریخ
2019.12.12 / 19:28
|
مولف
Axar.az
|