آنا صحیفه توپلوم |
تورکییه پایتختی آنکارادا آذربایجان میللی حکومتینین قورولوشونون ۷۴-جو ایلدؤنومو و گونئی آذربایجان میللی حرکاتی مؤوضوعسوندا اؤنملی کنفرانس کئچیریلهجک.
آخار. آذ خبر وئریر کی، گونئی آذربایجان میللی آزادلیق حرکاتی و آذربایجان کولتور درنیینین تشببوسو ایله کئچیریلهن کنفرانسدا چوخ سایدا ضیالی، اونیورسیتت معلمی و گونئی آذربایجان میللی حرکاتی فعاللارینین ایشتیراک ائدجیی گؤزلنیلیر.
تدبیرده آذربایجان میللی حکومتی ایله یاناشی گونئی آذربایجان میللی حرکاتی و حرکاتین گلهجک فعالیتی ایله باغلی چیخیشلار اولاجاق.
کنفرانسدا آذربایجان کولتور درنیینین رهبری جمیل اونال، آنکارا قاضی اونیورسیتتینین ایداره هئیتینین عضوو پروفسور حیدر چاکماک، آنکارا اونیورسیتتینین ایداره هئیتینین عضوو پروفسور نصیب نصیبلی، گونئی آذربایجان میللی آزادلیق جبههسینین (سؤزچوسو مهسا مئهدیلی و بین الخالق علاقهلر اوزره متخصص کریم اصغری گئنیش معروضه ایله چیخیش ائدجکلر.
کنفرانس آذربایجان کولتور درنیینین آنکارادا یئرلشن قرارگاهیندا دکابرین ۱۴-او یئرلی واختلا ساعت ۱۴:۰۰-دا کئچیریلهجک. کنفرانسلا ماراقلانان فعاللار "آنکارا، چانکایا، کیزیلای، باییندیر سوکاک: ۳۷/۶" آدرسینه مراجعت ائده بیلرلر.
تاریخ
2019.12.12 / 20:44
|
مولف
Axar.az
|