آنا صحیفه توپلوم |
ایرانداکی بعضی طب مرکزلری اعتراضلاردا یارالانان نماییشچیلری حبس اولونماق قورخوسو ایله قبول ائتمهییب.
بو بارهده بین الخالق عفو تشکیلاتی معلومات یاییب. معلوماتدا ایراندا حکیملرین پلیس طرفیندن تهدید ائدیلدیی بیلدیریلیب.
تشکیلات گؤرونتولره و شاهیدلرین سؤزلرینه اساساً تهلوکهسیزلیک قوهلرینین اعتراضچیلارا قارشی رزین گوله، گؤزیاشاردیجی گاز، بیبر گازی و عادتهن اوودا ایستیفاده اولونان اوو مرمیلری ایله آتش آچدیغینی آچیقلاییب.
بیر قروپ اعتیرازچینین پلیس طرفیندن یارالاندیغینی بیلدیرهن تشکیلات ایکی اعتیرازچینین دا ساچمهیی گوله ایله آیاغیندان یارالاندیغینی گؤسترهن گؤرونتولری یاییب.
پلیس قوهلرینین شنبه و بازار گونو کئچیریلهن اعتراضلاردا اینسانلاری دینک، یومروق و تپیکله دؤیوب و بیر سیرا شخصلری قانونسوز حبس ائتدیکلری بیلدیریلیب. عینی زاماندا بیر سیرا خستهخانالاردا چوخ سایدا پلیس قوهلرینین یئرلشدیریلمهسی یارالیلارین حبس ائدیلمهسی ایله باغلی نیگارانچیلیق یارادیب.
تاریخ
2020.01.16 / 17:15
|
مولف
Axar.az
|