شرقی آذربایجان‌دا اهر-کلئیبر و اهر-هوراند یوللاری باغلانیب.

بو باره‌ده ایسنا-یا دانیشان شرقی آذربایجانین یول پولیس رئیسی رضا کریمینژاد یوللارین باغلانماسینا سرت هاوا شرایطینین و گوج‌لو قار یاغماسینین سبب اولدوغونو دئییب.

«گدیکلرین چوخون‌دا، مثلاً، سایین و سامبران گدیکلرین‌ده شدت‌لی قار یاغماسینین شاهیدیگیک. گدیکلرین سوروشکه‌ن و بوزلو اولماسینا گؤره سوروجولرین تکر زنجیری و قیش تجهیزاتی ایله تعمین ائدیلمه‌سی واجیب‌دیر.

او تبریز-زنجان یولونون دورومو حاق‌دا دا دانیشیب.

«تبریز-زنجان آوتویولونون ایکی باندی آچیقدیر و گئدیش-گلیش یولوندادیر. عمومیتله اهر-کلئیبر، اهر-هوراند یولون‌دان باشقا بوتون یوللار آچیق‌دیر. سرنیشینلر ضروری اولمادیقجا سفرلرینی تاخیره سالسینلار و ایمکان دایره‌سین‌ده عمومی نقلیات‌دان ایستیفادنی آزالتسینلار».