آنا صحیفه توپلوم |
شهید ایبراهیم ولیئو بو گون دفن اولونوب.
شهید زرداب رایونونون گلمه کندیندهکی شهیدلر خیابانیندا تورپاغا تاپشیریلیب.
او، فئورالین ۲۴-ده ارمنیستان سلاحلی قوهلری بؤلمهلرینین تخریباتینین قارشیسینی آلارکهن هلاک اولوب.
ویدا مراسیمی شهیدین عائلهسینین مسکونلاشدیغی زرداب رایون سو-مئلیوراسییا ایدارهسینین بیناسینین حیطینده کئچیریلیب.
ویدا مراسیمینده شهیدین عائله عضولری، دؤولت سرحد خیدمتینین نمایندهلری، زرداب رایون ایجرا حاکمیتینین رهبرلیگی، سفربرلیک و حربی خیدمته چاغیریش اوزره دؤولت خیدمتینین زرداب و کلبجر رایون شعبهلرینین امکداشلاری، اجتیماعیت نمایندهلری ایشتیراک ائدیربر.
شهیدین جنازهسی زرداب رایونونون گلمه کندیندهکی شهیدلر خیابانیندا تورپاغا تاپشیریلیب.
قید ائدک کی، فورالین ۲۴-ده ارمنیستان سلاحلی قوهلرینین نویمبریان رایونونون کوتی کندی یاخینلیغیندا یئرلشن بؤلمهلریندن قازاخ رایونونون قوشچو آیریم کندی ایستیقامتیندکی سرحد دؤیوش منطقهسینه دیورسییا جهدینین قارشیسی آلینیب، جدی ایتکیلر وئرمهیه مجبور اولان دوشمنین بیر ظابطی آغیر یارالانیب، دیگر حربی قوللوقچوسو اؤلدورولوب.
دوشمنین دیوئرسییا قروپونون قومبارااتان و دیگر ایریچاپلی سلاحلارین تطبیقی ایله باش وئرهن تخریباتینین قارشیسی آلینارکهن سرحدچی عسگر ولیئو ایبراهیم علمشاه اوغلو قهرهمانجاسینا شهید اولوب.
ولیئو کلبجر رایون ساکینیدیر و عائلهسی حاضردا مجبوری کؤچکون کیمی زرداب رایونوندا مسکونلاشیب. ۲۰۰۱-جی ایل توللودلو ولیئو اؤتن ایلین اوکتیابر آییندا حربی خیدمته چاغیریلیب.
کلبجر رایونونون موللابایراملی کند ساکینی اولان ولیئو عائلهده ۳ باجی-قارداش اولوبلار. شهیدین اؤزوندن بؤیوک بیر باجیسی و اؤزوندن کیچیک بیر قارداشی وار.
ولیئولر عائلهسی ۱۹۹۳-جو ایلدهن زرداب رایون سو-مئلیوراسییا ایدارهسینین بیناسیندا یاشاییر. ولیئوین آتاسی علمشاه ولیئو اوزون مدتدیر خستهلیکدن اذیت چکیر.
تاریخ
2020.02.25 / 14:24
|
مولف
Axar.az
|