آنا صحیفه توپلوم |
آذربایجانلا ایران آراسیندا اولان گمرک-کئچید منطقهلرینده حاضردا سکوت حکم سورور. گئدیش-گلیش بیر قدر محدودلاشدیریلسا دا، آذربایجاندان معالیجه اوچون حکیمه، الینده رئسئپتی اولوب درمان آلماغا گئدنلره ایرانا گئتمکده هئچ بیر پروبلم یارادیلمیر.
آخار. آذ خبر وئریر کی، بو سؤزلری آستارا و بیلسووار رایونلارینداکی سرحد-کئچید منطقهلریندن رپورتاژ حاضرلایان «یئنی مساوات» قزئتینین امکداشی ائمیل سالاموغلو بیلدیریب.
اونون سؤزلرینه گؤره، آذربایجانلا ایران آراسینداکی بیلهسووار کئچید منطقهسینده ساکیتلیکدیر، گئدیش-گلیش محدودلاشدیریلدیغی اوچون کئچید منطقهسینده آز-آز اینسان گؤزه دییر:
«ویروس قورخوسو ایله عمومیتله ایرانا گئتمک ایستهیهنلرین سایی کسکین آزالیب. حاضردا نه ایرانا گئدن وار، نه ده ایراندان گلن. آستارا سرحد-کئچید منطقهسینده ایسه بیلهسووارا نیسبتا قلبهلیکدیر. آنجاق البته کی، اوولکی گونلرله مقاییسهده گئدیب-گلن چوخ آزدیر. آذربایجاندان ایرانا گئدن ایران وطنداشلاری راحتلیقلا سرحدی کئچه بیلیر. همچینین ایراندان آذربایجانا قاییدانلار دا هئچ بیر پروبلم یاشامیر. آذربایجاندان خصوصیله معالیجه اوچون حکیمه گئدنلره، الینده رسئپت(نسخه) اولوب درمان آلماق ایستینره پروبلئم یارادیلمیر».
ژورنالیست همچینین علاوه ائدیب کی، ایران اراضیسیندن آذربایجانا هئچ بیر ارزاق کئچیریلمهسینه اجازه وئریلمیر:
«سرحدچیلر اولجهدن خبردارلیق ائدیب کی، قیدا و ارزاق محصوللاری آلماسینلار. آنجاق عمومیلیکده سرحدی کئچمهیه هر کسه اجازه وئریلمیر».
خاطیرلاداق کی، کوروناویروس اپیدمییاسی ایراندا ۱۶ نفرین اؤلومونه سبب اولوب.
تاریخ
2020.02.26 / 09:58
|
مولف
Axar.az
|