ائوین حبسخاناسین‌دا ساخلانیلان آذربایجان‌لی میللی فعال جعفر روستامی راد گیروو مقابیلین‌ده سربست بوراخیلیب.

آخار. آذ خبر وئریر کی، او، ۲۰۱۹-جو ایلین ۲۵ اوکتیابرین‌دان ائوین حبسخاناسینین ۸-جی بندین‌ده ساخلانیلیب.

آذربایجان‌لی میللی فعال کئچه‌ن ایل بابک قالاسی مراسیمین‌ده ایشتیراک ائتدیی ادعاسی ایله ساخلانیلیب. داها سونرا تهران اینقیلاب محکمه‌سینین ۲۶-جی شعبه‌سین‌ده ۶ آی حبس جزاسینا محکوم ائدیلیب.

جعفر روستمی راد بون‌دان اؤنجه تبریزین سهند ایستادیونون‌دا «تراکتور» و «الجزیره» قارشیلاشماسین‌دا حبس ائدیله‌رک، ۷ آی حبسه محکوم اولموش‌دو. او حبسخانایا آپاریلدیق‌دان سونرا حکمو ده ایجرایا قویولوب.

اینسان حاقلاری تشکیلاتلارینین و آذربایجان جمعیتینین ناراحات‌لیغینا باخمایاراق، هله ده بعضی آذربایجان‌لی محبوسلارین موقتی اولاراق سربست بوراخیلماسینا ایزین وئریلمه‌ییب. او جمله‌دن، عباس لیسانی، لطیف حسنی، علیرضا فرشی، توحید امیر امینی، کاظم صفابخش، امیر ستاری، محمد ابدولمحمدزاده و باشقالاری ائوین، رجایشهر، تبریز، اورمییه، اردبیل و زنجان حبسخانالارین‌دا ساخلانیلیر.