ایران و شرقی آذربایجان‌دا اورک خسته‌لیکلرینه یولوخانلارین یاشی دونیا نیسبتیندن ۱۰ فایز آشاغی‌دیر.

آخار. آذ خبر وئریر کی، بو باره‌ده اورک-دامار خسته‌لیکلری متخصصی حکیم رضایت پرویزی معلومات وئریب. او بیلدیریب کی، اورک دایانماسی یالنیز اورک خسته‌لیگی ایله علاقدار دئییل. بیر چوخ عامل، او جمله‌دن، قزالار، خرچنگ، و دیگر سببلر ده بونا یول آچا بیلر.

اونون سؤزلرینه گؤره اورک خسته‌لرینین وضعیتی یاخشی دئییل. بیر طرف‌دن ویروسون گئنیش شکیل‌ده یاییلماسین‌دان دولایی یارانان اقتصادی چتین‌لیکلر، باشقا بیر طرف‌دن ده اونلارین ویروسلا باغلی کئچیردیی هیجان، اورک دؤیونتوسونون آرتماسینا سبب اولور. بو دا اونلارین تهلوکه‌ده اولماقلارینا یول آچیر.