آنا صحیفه توپلوم |
گؤیچایدا نادیر حاللاردا گؤرونهن ابابیل قوشونا راست گلینیب.
آخار. آز خبر وئریر کی، بو قوش رایون ساکینی سید ایسماییلووون هئیأتینه دوشوب. ائو صاحبی هئیأته دوشهن قوشو ایلک دفعه گؤردویو اوچون تانیمادیغینی بیلدیریب. آراشدیرمالار زامانی بو جانلینین ابابیل قوشو اولدوغو معلوم اولوب.
سید ایسماییلوو هئیأتینده باشقا نؤو قوشلار بسلدیی اوچون تاپدیغی ابابیل قوشونا دا بؤیوک دقتله یاناشیر. اونا قیدالانماق اوچون لازیم اولان یئم و ات وئریر.
سید ایسماییلوو بو قوشو بیر نئچه گون ساخلادیقدان سونرا اونو آزاد ائدجیینی بیلدیریب.
قئید ائدک کی، ابابیل قوشلاری بارهده قورانی-کریمین ۵ آیدن عبارت اولان «فیل» سورهسینده، یعنی ۱۰۵-جی سورهده صحبت آچیلیر. یمهن هؤکمداری ابرهه دؤیوش فیللری ایله بیرلیکده کبهنی داغیتماق اوچون مککه اوزرینه هوجوم ائدنده اللهین امری ایله بیر دسته ابابیل قوشو قیرمیزی دنیز طرفدن اوچوب گلیر. اونلارین هر بیری دیمدیینده و ایکی جایناغیندا بیشمیش گیلدن دوزلمیش خیردا داش توتور. قوشلارین آتدیقلاری داشلار دؤیوشچولرین بدهنینده یارا عمله گتیرهرک تئزلیکله اونلارین اؤلومونه سبب اولور.
خاتیرلاداق کی، کوروناویروسا گؤره باغلانان کبه اوزرینده آز اؤنجه ابابیل قوشلاری گؤرونموشدو.
تاریخ
2020.05.05 / 23:35
|
مولف
Axar.az
|