آذربایجان رسپوبلیکاسین‌دا ۳۲۵ یئنی کوروناویروس اینفئکسییاسینا یولوخما فاکتی قیده آلینیب، ۱۰۱ نفر معالیجه اولوناراق ساغالیب و ائوه بوراخیلیب.

آخار. آذ خبر وئریر کی، بونو طبی اراضی بؤلمه‌لرینی ایداره ائتمه بیرلیینین (طبیب) ایداره هئیتینین صدری رامین بایرام‌لی ناظیرلر کابینتی یانین‌دا اوپراتیو قرارگاهین بریفینقین‌ده چیخیشی زامانی دئییب.

کووید-۱۹ اوچون گؤتوروله‌ن آنالیز نمونه‌لری مثبت چیخان ۱۹۵۴، ۱۹۵۵، ۱۹۵۶، ۱۹۷۳ و ۱۹۷۸-جی ایل تولدلو ۵ نفر وفات ائدیب.

حاضیرکی دؤوردک اؤلکه‌میزده ۶۲۶۰ نفرین کوروناویروس اینفئکسییاسینا یولوخماسی فاکتی معین ائدیلمیش، اونلاردان ۳۶۶۵ نفر معالیجه اولوناراق ساغالمیش، ۷۶ نفر وفات ائتمیش، ۲۵۱۹ نفرین خصوصی رژیملی خسته‌خانالاردا معالیجه‌سی داوام ائتدیریلیر.

همین شخصلردن ۶۱ نفرین وضعیتی آغیر، ۷۸ نفرین وضعیتی اورتا آغیر قیمتلندیریلیر، دیگرلرینین صحتی ایستابیل‌دیر.

اؤتن مدت عرضین‌ده یئنی یولوخما حاللارینین معینلشدیریلمه‌سی ایله علاقدار ۳۱۵.۵۲۷ تست آپاریلیب.