گدبی رایونون‌دا یئرلشه‌ن و تاریخ‌چی متخصصلر طرفین‌دن تخمیناً ۹-جو عصره عایید ائدیله‌ن قیز قالاسینین توریزم اهمیتی نظره آلیناراق، توریستلرین بو عابیدنی زیارت ائتمه‌سینی آسانلاشدیرماق اوچون قالایا آوتومبیل یولو چکیلیر.

کولت. آذ رئال تی وی-یه ایستینادا خبر وئریر کی، گدبی رایون ایجرا حاکمیتینین تشببوسو ایله اینشا ائدیله‌ن یولون عمومی اوزونلوغو تخمیناً ۱۲-۱۵ کیلومتردیر. اینشاسینا مایین ۲۰-دن باشلانیلان آوتومبیل یولونون ایون آیینین سونونادک یئکونلاشدیریلماسی پلانلاشدیریلیب.

خاطیرلاداق کی، اؤلکه اهمیت‌لی محتشم معمارلیق عابده‌سی اولان قیز قالاسی شمکیر چایی ایله میس چایینین کسیشمه‌سین‌ده، سیخ مئشه‌لیین اورتاسین‌دا، سیلدیریم قایالیغین زیروه‌سین‌ده یئرلشیر. مدافعه کاراکترلی تاریخی عابیدنین اونیکال‌لیغی اوندادیر کی، اطراف‌دا کرپیج حاضرلانماسی اوچون هئچ بیر خام‌مال منبعینین اولماماسینا، یاخود کرپیج بیشیریله‌ن اعمالاتخانایا راست گلینمه‌مه‌سینه باخمایاراق، قیز قالاسی کیمی محتشم عابده بیشمیش قیریمیز کرپیج‌دن اینشا ائدیلیب.

عابده‌یه آپاران یوللار سیخ مئشلیین ایچریسین‌دن و کول-کوسلو داغ چیغیرلاریندان کئچیر. بونا باخمایاراق، قالانین بورجلریندن و مازغاللارین‌دان باخدیق‌دا اطرافا اولدوقجا اسرارنگیز و فوسونکلار منظره آچیلیر.

قید ائدک کی، گدبی رایونونون‌دا یئرلشه‌ن و ۴-جو عصره عایید ائدیله‌ن اؤلکه اهمیت‌لی دیگر تاریخی معمارلیق عابده‌سی ماهراسا معبدی ده شمکیر چایینین ساحلین‌ده، حاضردا قیز قالاسینا چکیله‌ن آوتومبیل یولونون یاخینلیغین‌دا یئرلشیر.