آغلار‌گولر (قوچ، فروردین): بو هفته، مجازی و یا حقیقی حالت ده یولداش لاریزلا اولماق اوچون یاخجی بیر هفته دیر. یازیب، یاراتماق و یا بازاردا چالیشماغا اویغون زمان دیر. سیز دوغال اولاراق سیاست لی و احتیاط‌لی داورانان بیری اولارق، هامینی اؤزوزه ساری چکه بیلیرسیز.

بو هفته عائله وی ایش و تارتیشما لاریز چوخ اولاجاق. چئورزده اولان نعمت لرین قدرینی بیلین و گوندم یاشامیزدا اولان سئوگی اوچون شوکر ائدین.

گولن‌آی (بوغا، اردیبهشت): بو هفته طالعیزدن آسیلی اولاراق، ائیتیم- بیلیم و یایین ایش لری چوخ گوندم و یاخجی حالتده ایرلی گئده جک. همده چوخلو پول الیزه چاتا بیلر. و سیز اونا اوداقلانا بیلرسیز. بوغا لار بو هفته اؤز لری و عزیز لرینه گؤزل هدیه لر آلا بیلرلر. بو سیزه لذت وئریجی بیر ایش دیر. یولداش لیق لاریز بیرآز رقابت حالتینه چئوریله بیلر. یئنی بیر ایش لر گؤرمک اوچون مذاکره لره باشلاییب سیز. اوغورلو اولون.

قیزاران آی (ائکیزلر، خرداد): بو هفته سیزه لذت وئرن بیر زمان دیر. چوخ آدام لار سیزه ساری چکیله جک و ایلیشگی لریز گئنیش لنجک، بو اوزدن مالی چالیشما لاریز دا چوخالاجاق. گلیر لریز آرتیلدیقجا یئنی آرزی لار و یئنی ایستک لر کؤنلوزون بوجاغیندان اؤزونو گؤرسه-دجک، آنجاق منجه بو ایستک لری مدیریت ائدیب، دوزگون تصمیم لر توتون. سیز بو پول-لاری اله گتیرمک اوچون چوخ چالیشیب سیز اونلاری هدر ائتمه یین.

قورا پیشیرن (یئنگج، تیر): اورتاق و یولداشلیق ایلیشگی لریز چوخ دییشیله جک. بعضی ایلیشگی لر سونا چاتا بیلر، بو سیزین نفعیزه دیر. یاشام و کاراکتئریز حاقدا اولان گیزلی مسائل سیزی سئویندیریر. بلی آدام زمانیندا سرّ لارینی هامییا دئمه سه یاخجی دیر. یئنی ایش لر و یئنی یئرلری گؤرمک و یئنی کشفیات سیزه هیجان وئریر و داها چوخ دانیشماغا ماراقلاندیریر. آنجاق منجه همان گیزلی و سس سیز کیملیک داها یاخجی دیر. اوجور کاریزماتیک اولون.

قویروق دوغان (آسلان، مرداد): بو هفته یولداش لاریزلا توپلومسال ایش لریز چوخ اولاجاق و بو بیر سئوگی ماجراسینا ختم اولا بیلر. اورتاق مال لار، بورج، ارث و ... ده بعضی تارتیشمالار اولا بیلر. طالعیز سیزه بوتون ایش لریزی راحات گؤروب، اؤز منافعیزدن دفاع ائتمک امکان و انرژیسی وئره جک. گؤز لریزی آچین و دورومو دوزگون اینجه¬لیین، ایندی هر کسه گوونمک زمانی دئییل. هر زماندان چوخ دقت لی اولون و آللاها توکل ائلیین.

زومار (باشاق، شهریور): بو هفته سیزه خوش بیر هفته دیر. اؤزل بیر ایش گؤرمه دن هامی سیزی آلقیشلایاجاق و سهولریز کیمسه نین گؤزونه گلمییه جک. اورتاق اولدوغوز هر بیر ایشده بیر اوزمان کیمی چالیشیب، اوغورلار قازاناجاقسیز. البته سیزجه بو قدر پارلاماق، یولداش لاریزین قیسقانماغینا سبب اولور و اونلار زامان- زامان سیزی گؤزدن سالماق و اینجیتمک¬له اوغراشیرلار. بونلاری بوش وئرین و ایش لریزه اوداقلانین.

خزل (ترازی، مهر): نه قدر مسافرته گئتمک ایسته¬سزده ایندی بونا امکان اولمویاجاق بو اوزدن دونیانی کشف ائتمک اوچون یئنی یول لار آختاریب- تاپین. یئنی کولتورلرله تانیش اولماق و یئنی بیر دیل اؤیرنمک چوخ لذت وئریجی دیر. بو هفته چالیشین یاریم قالمیش ایش-لریزی سونوجا یئتیریب، قورتاراسیز. رئیس، والدین و یا هر هانسی اؤزل بیر کیمسه ایله دانیشیب، اورتاق بیر فکره چاتماق اوچون اویغون زمان دیر.

قیروو (عقرب، آبان): بو هفته چوخ اولای لارا آماده و احتیاط لی اولون. البته بو اولومسوز و یا اولوملو بیر اولای اولا بیلر، هر حالدا بیر صدقه وئرمه¬ییزی رجا ائدیرم. طالعیز قیسسا سفرلر و دانیشیق لاری ائتگی لندیره بیلر. همچنین بو هفته بیر وام و یا هدیه الیزه چاتاجاق. طالعیز سیزی اوشاقلیق ایامینا قایتاریب دئیه بیله¬رم بو اوزدن بو قدر هرزادی ائیلنجه سانیب، سرسری توتورسوز. نه اولور اولسون، اورتاق یاشامیز چوخ یاخجی دیر.

آزر (یای، آذر): مالی دوروموزدا بیر یئنی لیک و دییشیم یاراتماغی دوشونورسوز. ائو اورتامیندا اولان قالابالیق سیزین صبریزی دنه مک سیناوی ساییلا بیلر. سیز اؤزگور و سینیرسیز یاشامی چوخ سئون، ائیلنجه و مسافرته ماراقلی بیریسی اولاراق، ائوده قالماقدان چوخ سیخیلیرسیز، آنجاق الیمیزدن بیر ایش گلمیر، بئله زمان لار داها صبیرلی اولان قازاناجاق. بیرآز ایلیملی اولساز، ایستی، شیرین و خوش ایلتیشیم لریز اولا بیلر.

چیلله (اوغلاق، دی): بو هفته چوخ باشاریلی سیز، هم اؤز ایش لریزی گؤرورسوز و هم هر کسه یاردیم ائدیرسیز. بو سیزی چوخ سئویندیریر. بو هفته داها یارالی بیر کس اولماق اوچون هم ایش¬لریز و هم باخیش آچیزی یئنی لندیریب، سهمانلاماغا چالیشیرسیز. ساغلاملیغیزی اؤنمسه یین و اؤزوزه فکر وئرین، بو حالدا آللاه دا سیزی حمایسینه آلیب، سیزه یاردیم ائده-جک. سیزین اؤزوز بیلدیگیز بیر معنوی ثروتیز وار، اونو ساخلاماقدا دقت لی اولون.

دوندوران آی (قووا، بهمن): ائیلنجه، ایسیراحت و اویناماق لیسته زین باشیندا یازیلیب. اوشاق لارلا خوش ایلتیشیم لریز اولاجاق، یارادیجیلیغیز گؤرونجک، پول قازانماق یول¬لاریز یئنی لشه جک و سئوگی قونوسو یئنی بیر بویوتا گیره¬جک. ذهنی چالیشما¬لاریز دا کی، اولاغان اوستو اولاجاق. سیز او قدر مسائلی دوزگون آراشدیریب، اینجه¬لییه بیلیرسیز کی، ایش¬لریزی گؤرمک اوچون ان دوز و ان یاخجی یولو تاپا بیلیرسیز.

بایرام (بالیقلار، اسفند): بو هفته ائوده قالیب عائله و عزیزلریزله زمان گئچیرتمه¬یه یاخجی بیر زمان دیر. یولداش و عائله ایله ایستی و خوش ایلتیشیم¬لریز اولاجاق. بونون اوچون یئنی و یارادیجی فکرلریزله استعدادلاریزی چیچک¬لندیره¬جک¬سیز. ذهنی اویون¬لار سیزی چوخ ماراقلاندیریر و سیزه خوش بیر احوال- روحیه باغیشلاییر. بو هفته¬نین انرژی¬سیندن باشاردیغیز قدر فایدالانین و یاشامین دادینی چیخاردین.