آنا صحیفه توپلوم |
گونئی آذربایجانین زنجان شهرینده رئپورتاژ حاضرلاماق اوچون کوروناویروس خستهلرینین معالیجه آلدیغی «ولیعصر» خستهخاناسینا گئدن فوتوگراف تهلوکهسیزلیک امکداشلاری طرفیندن ساخلانیلیب.
آخار. آزذ-این معلوماتینا اساساً، «صدای زنجان(زنجانین سسی)» خبر پورتالینین فوتوگرافی بیر مدت خستهخانا نزدیندهکی تهلوکهسیزلیک شعبهسینده ساخلانیلیب و سورغو-سوالا چکیلیب.
بو زامان تهلوکهسیزلیک شعبهسینین امکداشلاری ژورنالیستین موبایل تلفنو و دیگر جیهازلارینی مصادیره ائتمهیه چالیشیب.
تهلوکهسیزلیک قوهلری همچینین فوتوگرافی موبایل تلفنونداکی اینفورماسییانی اله کئچیرمکله هدهلهییبلر.
تهلوکهسیزلیک قوهلری همچینین فوتوگرافین ساخلانیلدیغی یئره مراجعت ائدن «صدای زنجان» سایتینین صاحبی و مخبیرلرینی حبس ائتمکله هدهلهییبلر.
زنجان طبب اونیورسیتتی و خستهخانا رهبرلیینین مداخیلهسیندن سونرا ساخلانیلان ژورنالیست سربست بوراخیلیب.
معلوماتا اساساً، «ولیعصر» خستهخاناسیندان رئپورتاژ حاضرلاماق ایستهیهن زنجانین «همدلی زنجان» خبر سایتینین امکداشلاری دا عینی پروبلمله اوزلشیب.
تاریخ
2020.07.03 / 13:27
|
مولف
Axar.az
|