آنا صحیفه توپلوم |
یولوخوجو خستهلیکلر میللی کومیتهسینین عضوو بوبونیک وَبا (خیارجیقلی وبا) خستهلییینین اؤلکهیه گیرمهسینی تکذیب ائتدی خانم دوکتور مینو محرز، بوبونیک وَبا (خیارجیقلی وبا- طاعون خیارکی) خستهلییینین اؤلکهیه گیردییی شایعهسی حاقیندا دئدی:
خیارجیقلی وبا خستهلییینین اؤلکه میزه گیرمهسی مطلق یالاندیر و کئچن هفتهلرده کیمسهنین اؤلکهده بو خستهلییه توتولماسی حاقدا هئچ بیر رسمی راپور الیمزه چاتماییب.
او ارتیردی: سلامت حوزهسینده یولوخوجو خستهلیکلری تانیما بؤلومو بو موضوعو چون دقتلیجه گؤزلملهدی و بو خستهلییین گمیرگنلر (جوندگان) آراسیندا گؤروندویو اورتایا چیخدی، بو خستهلییین انسانسال اولدوغو بارهده هئچ بیر بیلگی وئریلمهییب.
ساغلیق، درمان و طیب اؤیرهتیم باخانلیغینین یولوخوجو خستهلیکلرله موجادیله کومیتهسینین عضوو دئدی: البته کی طاعون باشلی باشینا نیگران ائدیجیدیر، آنجاق سون ایللرده ایراندا بو خستهلیک کونترولا آلینیب و درمانی دا تکجه آنتیبیوتیکلردیر.
خانم دوکتور محرز آرتیردی: من جماعاتدان ایستیرم #کورونا ویروسو یاییلماسیندان قایناقلانان اضطرابلی بو دورومدا اؤزلرینی سوسیال شبکهلرده یاییملانان شایعهلره باش قوشماسینلار و خبرلری تکجه رسمی مرجعلردن ایزلهسینلر.
تاریخ
2020.07.08 / 15:21
|
مولف
Axar.az
|