آنا صحیفه توپلوم |
۱۴ تیر، قلم گونونده آذربایجان مطبوعات موزهسینی تجهیز ائتمک اوچون آنلاشما امضالاندی
شنبه ۱۴ تیر ۱۳۹۹، قلم گونونده، شرقی آذربایجان اوستانداری، محمدرضا پور محمدی و و مئدیا اهالیسینین حضورو ایله، تاریخی «کلکتهچی (صلح جو)» ائوینده مؤحتشم بیر مراسیم کئچیریلهرک، آذربایجان مطبوعات موزهسینی تجهیز ائتمک اوچون آنلاشما امضالاندی.
شرقی آذربایجاننین فرهنگ و اسلامی ارشاد، فرهنگی میراث، گزیچیلیک و الایشلری صنعتلری باش مودورونون ده حضورو اولان بو مراسیمده آذربایجان مطبوعات موزهسینی تجهیز ائتمک آنلاشماسی ایکی طرف آراسیندا امضالاندی.
شرقی آذربایجان اوستانداری بو تاریخی ائوین مطبوعات موزهسی اختیاریندا قویولماسی مرحلهلریندن اؤز رضایتینی شرقی آذربایجان مطبوعاتچیلارینین صینفی انجمنینه بیلدیردی.
آذربایجان مطبوعات موزهسینی تجهیز ائتمک آنلاشماسینین امضا مراسیمینده تبریزین آدلیم کلئکسیونئری، رضا سرابی اقدم، ۱۳۱۶ قمری ایلینده یاییملانان «شرافت» عنوانلی درگینی عموم جماعاتین گؤروشو اوچون موزهیه هدیه ائتدی و وورغولادی، بو موزهنین اسناد و نشریهلر بابتیندن تجهیزی اوچون بوتون تلاشینی اسیرگمهیهجک.
شرقی آذربایجاننین فرهنگ و اسلامی ارشاد، فرهنگی میراث، گزیچیلیک و الایشلری صنعتلری باش مودورو بو مراسیمده قلم دیالوگونون توپلومدا حاکیم دیالوگو اولدوغونا اشاره ائدهرک، دئدی: قلم گونونده آذربایجان مطبوعات موزهسینی تجهیز ائتمک آنلاشماسینین امضا مراسیمی کئچیریلدیییندن سئوینجلیییک.
تاریخ
2020.07.08 / 22:38
|
مولف
Axar.az
|