آنا صحیفه توپلوم |
سوسیال شبکهلرین ارمنی سئقمئنتینده ارمنیستانین مدافعه ناظری داوید تونویان و اونون مطبوعات کاتیبی شوشان ایستئپانیان آغیر تنقید، حتی تحقیر اولونور.
آخار. آذ خبر وئریر کی، بو بارهده تانینمیش ژورنالیست ائلچین آلیوغلو سوسیال شبکهده قید ائدیب.
او بیلدیریب کی، آذربایجان اوردوسونون توووز ایستیقامتینده ارمنیلرین هجومونون قارشیسینی آلماسی و دوشمنین آغیر ایتکیلره معروض قویماسی ارمنیستاندا شوک افکتی یارادیب.
«تونویان و دیگر ارمنی رسمیلرینین تنقید و تحقیر اولونماسینا سبب ایسه توووزداکی اینسیدنت زامانی اؤلن ارمنی حربچیلرین سایینین گیزلدیلمهسی و عمومیتله، تلفاتلا باغلی معلومات وئریلمهمهسیدیر»، - آلی اوغلو بیلدیریب.
ژورنالیستین سؤزلرینه گؤره، ارمنی حربی اکسپئرتلر اینسیدنتده ارمنیستانین ۱۹ حربچیسینین اؤلدویونو، ۲۸-نین یارالاندیغینی دئییبلر.
بونونلا بئله، ارمنیستان طرفی ایتکیلری ایله باغلی هلهلیک رسمی معلومات یایماییب.
قید ائدک کی، بو گون ارمنیستان سلاحلی قوهلرینین بؤلمهلری آذربایجان-ارمنیستان دؤولت سرحدینین توووز ایستیقامتینده مؤقعلریمیزی اله کئچیرمک مقصدیله آرتیللئرییا آتشلریندن ایستیفاده ائدرک هجوما کئچمهیه جهد گؤستریب. دؤیوش نتیجهسینده آذربایجان اوردوسونون حربی قوللوقچولاریندان ۲ نفر شهید اولوب، ۵ نفر ایسه یارالانیب.
ارمنیلر ایسه سوسیال شبکهلرده اعتبارلی منبعلره ایستیناد ائدرک، ۳۰-آ قدر ارمنی عسگرین اؤلدویو، اونلارلا یارالینین اولدوغونو یازیبلار.
تاریخ
2020.07.12 / 22:34
|
مولف
Axar.az
|