آذربایجان تورپاقلارینین ارمنی ایشغالی آلتین‌دا اولماسی بیزی چوخ ناراحات ائدیر.

بو سؤزلری آخار. آذ-آ کرکوک‌لو ژورنالیست، یازار محمد صالحی توووزداکی سون اولایلارا مناسیبتینی بیلدیررکه‌ن دئییب. او، داغلیق قاراباغ مسئله‌سینین یالنیز آذربایجان‌دا یاشایان سویداشلاریمیزی احاطه ائتمدیینه دقت چکیب:

"تورک دونیاسینین هر بیر قاریش تورپاغی بیزیم اوچون اؤنملی‌دیر. بیز ایللردیر عراق‌دا کرکوک تورکلری اولاراق قاراباغین بیر آن اؤنجه آذربایجان قایتاریلماسی اوچون چاغیریشلار ائتدیک، یازیلیار یازدیق. تورک تورپاقلارینین حقیقی صاحبلرینه گئری قایتاریلماسی اوچون بیز وار گوجوموزله مباریزه آپاراریق و بو ایشده واریق. چوخ بؤیوک اومیدلریمیز وار کی، داغلیق قاراباغ دا اصل صاحبلرینه، آذربایجانا گئری قایتاریلار. بیز عراق‌دا ساده‌جه آذربایجان دئمریک، "جان آذربایجان" دئیریک. آذربایجان بیزیم ایکینجی، اصلینه قالاندا ایسه اصل اؤلکه‌میزدیر. بیز دوشونوروک کی، اورادان قوپوب بورالارا گلمیشیک. هئچ واخت اؤزوموزو آذربایجان‌دان آیری گؤرمدیک. ایندی ده اینسانلاریمیزین اورکلری آذربایجان اوچون آتیر. بو اؤلکه بیزیم اؤلکه‌میزدیر، تورپاغیمیزدیر، بیزیمدیر. بیز اؤزوموزو آذربایجانین بیر پارچاسی گؤروروک. اونا گؤره دا بو مسئله بیزی ماراقلاندیریر. بیز-سیز یوخدور بیزده. بیزده بیز وار".