آنا صحیفه توپلوم |
گونئی آذربایجانلی ژورنالیست، "ماکو تیمئس" اینستاگرام صحیفهسینین آدمینی یاور سلطانی ایرانین تهلوکهسیزلیک قوهلری طرفیندن ساخلانیلیب.
آخار. آذ خبر وئریر کی، سلطانی ایولون ۱۳-ده گونورتا ساعتلاریندا غربی آذربایجان ایالتینین ماکی (داشماکی) شهرینده «سپاه»این کشفیات امکداشلاری طرفیندن ساخلانیلیب.
معلوماتا اساساً، ژورنالیست ایولون ۲-ده ماکی شهرینین «هفته فلکهسی»نده اوجالدیلان فارس شاعری ابولقاسیم فردوسینین هیکلینین قالدیریلماسی ایله باغلی یایدیغی رپورتاژا گؤره توتوقلانیب.
رئپورتاژدا سلطانی آنتی-تورک و آنتی-عرب کاراکتری ایله تانینان ۱۰-۱۱-جی عصرلرده یاشامیش فیردوسینین ایرقچی مزمونلو شعیرلریندن نمونهلر گتیرهرک ایرقچیلیین دونیانین هر یئرینده اولورسا اولسون محو ائدیلمهسینین ضروری اولدوغونو وورغولامیشدی.
آذربایجانلی ژورنالیست همچینین آفرو-آمریکالی جورج فلویدون اؤلوموندن سونرا آمریکادا و آوروپادا ایرقچیلییه قارشی اعتراض آکسییالارینی، بو اعتراضلار نتیجهسینده ایرقچی حساب ائدیلهن بیر چوخ شخصیتلرین هیکللرینین گؤتورولمهسینی خاطیرلاداراق ایرقچیلیگی عکس ائتدیرهن فیردوسی هیکلینین بیر داها ماکیدا اوجالدیلماماسینی اومید ائتمیشدی.
رئپورتاژین یاییلماسیندان سونرا ماکی شهر شوراسی آچیقلاما وئرهرک هیکلین تعمیر و برپا ایشلری ایله علاقدار قالدیریلدیغینی بیلدیردی. داها سونرا ایسه همین هیکل اولکی یئرینه قایتاریلدی.
تاریخ
2020.07.13 / 20:25
|
مولف
Axar.az
|