آنا صحیفه توپلوم |
بیلدیینیز کیمی، ایولون ۱۲-ده ارمنی سلاحلی قوهلری آذربایجان مؤقعلرینه آرتیللئرییا آتشی ایله زربه ائندیرمیشلر و بو گؤزلنیلمز زضربه نتیجهسینده بیزیم حربچیلریمیز هلاک اولوب، یارالانیب. اوندان سونرا هر دفعه اولدوغو کیمی، ارمنیستان بو تخریباتین سببکاری کیمی آذربایجانی گؤسترمهیه جهد ائتمیشدیر، حالبوکی بو، هئچ بیر منطیقه سیغمیر.
آخار. آذ خبر وئریر کی، بونو آذربایجان رسپوبلیکاسینین پرزیدنتی ایلهام علیئو ناظیرلر کابینئتینین ۲۰۲۰-جی ایلین بیرینجی یاریسینین سوسیال-اقتصادی اینکیشافینین یئکونلارینا و قارشیدا دوران وظیفهلره حصر اولونان ایجلاسدا چیخیشی زامانی دئییب.
«بیزیم ارمنیستانلا آذربایجانین دؤولت سرحدینده هر هانسی بیر حربی مقصدیمیز یوخدور. بیلدیینیز کیمی، بیر نئچه ایل بوندان اول منیم تاپشیریغیملا سرحدین بیر حیسهسینین قورونماسی سرحد قوشونلارینا حواله اولونوبدور. بو دا اونو گؤستریر کی، بیزیم بو ایستیقامتده هر هانسی بیر حربی پلانیمیز یوخدور و پرینسیپ اعتباریله حربی مقصدلر نؤقطه نظردن بونون هئچ بیر اهمیتی یوخدور. اوستهگل ارمنیستان دیرناقاراسی «آذربایجان دیوئرسییاسینی» اساسلاندیرماق اوچون چوخ عقلسیز و حساب ائدیرهم کی، اونلارین سوییهسینه اویغون سبب گؤسترمهیه جهد ائتدی. گویا کی، آذربایجانین حربی قوللوقچولاری – ایکی نفر اواز ماشینی ایله ارمنیستان سرحدینی پوزاراق حربی دیوئرسییا تؤرتمهیه جهد ائتمیشلر.
سوال اولونور، هانسی اؤلکهنین اوردوسو هوجومو ایکی ظابط و عسگرله اواز ماشینی ایله تشکیل ائدیر؟ بلکه ارمنیستان اوردوسو بئله «مودریک» حربی عملیاتلار حاضرلاماقلا مشغولدور؟ آنجاق آذربایجان اوردوسو و دونیانین هئچ بیر اوردوسو بئله عقلسیز آددیم آتماز. یعنی، بو جفنگ وئرسییانین ارمنیستان طرفیندن تقدیم ائدیلمهسینین اساس سببی گناهی بیزیم اوزریمیزه ییخماقدیر، هر دفعه اولدوغو کیمی. آنجاق بو دفعه بونا هئچ کیم اینانماییب. حربی متخصص اولماق لازیم دئییل کی، بو جفنگ وئرسییایا اینسانلار اینانسین. اصل وضعیت اوندان عبارت ایدی کی، بیر داها دئمک ایستییرم بیزیم حربی پوستوموز آرتیللئرییا آتشی ایله وورولوب و بو قفیل چیرکین آددیم نتیجهسینده حربچیلریمیز هلاک اولوبلار.
درحال من بوتون مووافیق گؤستریشلر وئردیم. آذربایجان سلاحلی قوهلرینه گؤستریش وئردیم کی، حربچیلریمیزین اینتیقامی آلینمالیدیر، اونلارین قانی یئرده قالمامالیدیر و دوشمنه ائله بیر ضربه ائندیریلمهلیدیر کی، اونو اوزون ایللر بوندان سونرا یاددان چیخارماسین. عینی زاماندا، پرزیدنت آدمینیستراسییاسینا، ناظیرلر کابینتینه، عایدیاتی قوروملارا گؤستریش وئریلیب کی، بوتون بین الخالق تشکیلاتلار ارمنیستانین بو دیوئرسییاسی ایله علاقدار معلوماتلاندیریلسین، بو حادثه حاقیندا دولغون معلومات وئریلسین. من درحال تهلوکهسیزلیک شوراسینین توپلانتیسینی چاغیردیم و اورادا قید ائتدیم کی، اوپئراتیو وضعیت ایمکان وئرهن کیمی، بیز آذربایجاندا فعالیت گؤسترن خاریجی اؤلکهلرین نمایندهلیکلرینده ایشلهیهن حربی آتتاشئلری، ژورنالیستلری، اگر بئله ایستک اولارسا، سفیرلیکلرین دیگر نمایندهلرینی همین بؤلگهیه دعوت ائدجییک، اونلاری بو وضعیتله تانیش ائدجییک و اونلار یئرینده گؤرهجکلر کی، بو تخریباتی تؤرهدن کیمدیر و بو تخریبات نتیجهسینده هلاک اولانلار هانسی اوردونون عسگرلریدیر.
بیر داها دئمک ایستییرم کی، گؤرولموش اوپئراتیو تدبیرلر نتیجهسینده ارمنیستان اوردوسو لاییقلی جاوابینی آلدی. من تهلوکهسیزلیک شوراسینین توپلانتیسیندا آرتیق دئمیشدیم کی، آذربایجان عسگر و ظابطلرینین قانی یئرده قالمامالیدیر. اونلارا سارسیدیجی ضربهلر ائندیریلدی و بو ضربهلر امینهم کی، اونلارا یاخشی درس اولدو» - دئیه، دؤولت باشچیسی بیلدیریب.
تاریخ
2020.07.15 / 22:19
|
مولف
Axar.az
|