نویابرین ۲۰-ده ایرانین ان یاخشی کیشی کلوبلارینین وولیبول چمپیوناتینین ایلکین مرحله‌سینین ۱۰-جو هفته‌سینین‌ اویونلاری چرچیوه‌سینده اورمییانین "شهرداری" کلوبو ایله تهرانین "پیکان" کلوبو قارشیلاشیب.

Axar.az خبر وئریر کی، ۷ مین آذربایجان‌لی تماشاچینین اشتراک ائتدیی قارشیلاشما غربی آذربایجا ایالتینین مرکزی اورمیا شهرینین "دورنالار یوواسی" (قدیر) ایدمان کومپلکسینده کئچیریلیب.

ایدمان کومپلکسینه توپلاشان آذربایجان‌لیلار مختلف ملی شعارلار سسلندیریب، غربی آذربایجانا تورک و یئرلی والی‌نین تعیین اولونماسینی عکس ائتدیره‌ن شعارلار سسلندیریبلر.

"پزشکیان دور سس وئر، اورمیایا نفس وئر"، "آذربایجان وار اولسون، ایسته‌مه‌یه‌ن کور اولسون" و باشقا بو کیمی شعارلار وئریلیب.

خاطرلاداق کی، بیر نئچه هفته‌دیر غربی آذربایجان ایالتینه والی تعیناتی پروبلمه چئوریلیب و ایالتدن ایران پارلامنتین‌ده اولان کورد اصیل‌لی ملت وکیللری اؤز نامزدلرینی ایالت باشچی‌سی گتیرمک ایستییرلر.

اوکتیابرین ۲۳-ده تورک اصیل‌لی رضا ابراهیمی آغ اسماعیلی یئنی والی کیمی تعیین اولونسا دا، قیسا مدت سونرا نویابرین ۱۰-دا محمد امین رضازاده ایالتین یئنی والیسی تعیین اولونوب.

بونا باخمایاراق، او دا وظیفه‌لرینی یئرینه یئتیرمکده پروبلملرله‌ قارشیلاشیب و کورد اصیل‌لی ملت وکیللری یئنی والی‌نین تعیین اولونماسی طلبینی ایر‌لی سوروبلر.

قید ائدک کی، ۷ مین نفر آذربایجان‌لی تماشاچینین اشتراکی ایله کئچیریلن حساس یاریشما اورمیا کلوبو ۳-۲ حسابی ایله غلبه قازاناراق نوبتی مرحله‌یه آدلاییب.