زنجان‌دا بو گون سحر ساعتلارین‌دا یول-نقلیات حادثه‌دی باش وئریب.

آذنیوز. تی وی خبر وئریر کی، قزوین-زنجان آوتویولونون ۳۲-جی کیلومترلیینین شیمالین‌دا میدانا گلن قزادا ۲ نفر اؤلوب، ۲ نفر یارالانیب.

حادثه‌یه «پراید» مارکالی آوتومبیلین سوروجوسونون یوخولاماسی سبب اولوب. نتیجه‌ده آوتومبیل یول‌دان چیخاراق آشیب.

خاطیرلاداق کی، زنجان‌دا ۲ گون اؤنجه ۷۲ ساعت عرضین‌ده ۳۰-دان چوخ باش وئره‌ن یول قزالاریندا ۳۵ سوروجو یارالانیب. زنجان محکمه طبی اکسپرتیزاسینین ایستاتیستیکاسینا گؤره، جاری ایلین فروردین آیین‌دا ۱۷ نفر، اوردیبهشت آیین‌دان ایندییه کیمی ایسه ۱۶ نفر یول قزالارین‌دا حیاتینی ایتیریب.