نویابر اعتراضلارینین قوربانلارینین ۴۰ مراسی‌می اؤنجه‌سی ایرانین بعضی شهرلرین‌ده اینترنتین سرعتی آزالدیلیب، بعضیلرین‌ده ایسه کسیلیب.

بو باره‌ده اؤلکه‌نین بیر چوخ سوسیال شبکه ایستیفاده‌چی‌سی معلومات وئریب.

بعضی تویتر ایستیفاده‌چیلری دکابرین ۲۵-ده صحیفه‌لرین‌ده، «همراه اول» و «ایرانسل» اوپراتورلارین‌دا موبیل تلفنلارین‌دا اینترنتینین کسیلدیینی، عینی زامان‌دا ائودکی اینترنتین سرعتینین ضعیفلدیینی بیلدیریبلر.

معلوماتا گؤره، تهران و کرج شهرلرین‌ده اینترنتین ضعیفله‌مه‌سی داها چوخ حس اولونوب. اهواز و فارس اوستانلارین‌دان دا بعضی ایستیفاده‌چیلر اوخشار شیکایتلرینی تویتر صحیفه‌لرین‌ده یاییبلار.