آنا صحیفه آوتو |
ایراندا «پراید» مارکالی آوتومبیل زاوودونون "پراید ۱۳۱" مودلینین ایستحصالینی دایاندیرماسی ایله جاری ایران ایلینین ۴-جو آییندا (۲۱ ایون -۲۱ ایول ۲۰۲۰) ایشینه تمامیله خیتام وئریلهجک.
بونو ایرانین سایپا آوتومبیل قاییرما شیرکتینین ایجرا دیرکتورو جواد سلیمانی دئییب. بو بارهده آخار. آذ شیرکتین اینفورماسییا پورتالینا ایستینادا معلومات وئریب.
اونون سؤزلرینه گؤره، سون "پراید ۱۱۱" مودلی ۲۳ آپرئلده ایستحصال اولونوب. بئلهلیکله، "پراید ۱۱۱" و "پراید ۱۳۲" مودئلینین ایستحصالینا خیتام وئریلیب.
سلیمانی علاوه ائدیب کی، ایراندا بو آوتومبیلین ایستحصالی همیشهلیک اولاراق دایاندیریلاجاق.
شیرکت رسمیسی بیلدیریب کی، ۲،۶ مین دلارلیق پراید آوتومبیل ایستحصالینا هئچ بیر آلتئرناتیوین اولمادیغی دفعهلرله قید اولونوب. چونکی حاضیرکی شرایطده، خام مالین قیمتینین باها اولماسی، خاریجی والیوتانین باهالاشماسی، آمریکانین ایرانا قارشی تطبیق ائتدیی سانکسییالار، احتیاط حیصهلرینین ایدخالینداکی محدودیتلره گؤره بو قیمته آوتومبیل ایستحصال ائتمک مومکون دئییل.
قید ائدک کی، ایراندا "پراید ۱۳۲" آوتومبیلینین ایستحصالی یانوار آیینین اورتالاریندا دایاندیریلیب. ایستحصالین دایاندیریلماسینا سبب بو آوتومبیلین تهلوکسیزلیینین یوکسک سوییهده اولماماسی گؤستریلیر.
تاریخ
2020.04.25 / 21:15
|
مولف
Axar.az
|