یاخین گله‌جک‌ده زنگزور دهلیزی اوزریندن بوتون انرژی رسورسلاری و لوجیستیک مارشروتلار تورکییه‌یه چاتدیریلاجاق.

Axar.az خبر وئریر کی، بونو تورکییه‌نین انرژی و طبیعی ثروتلر ناظری آلپ‌آرسلان بایراقدار تورکییه-سوریه گاز بورو کمرینین آچیلیش مراسیمی چرچیوه‌سین‌ده ژورنالیستلره آچیقلاماسیندا بیلدیریب.

ناظرین سؤزلرینه گؤره، حاضردا آذربایجان‌دان الکتریک انرژیسی گورجوستان اوزریندن تورکییه‌یه اؤتورولور.

«عینی زامان‌دا اورتا آسییاداکی دیگر انرژی منبع‌لری و لوجیستیک امکانلار دا آذربایجان اوزریندن تورکییه‌یه، اورادان ایسه آوروپایا چاتدیریلاجاق»، - دئیه او قید ائدیب.

بایراقدار علاوه ائدیب کی، آذربایجانین طبیعی ثروتلرینین - نفت، گاز و الکتریک انرژی‌سینین تورکییه‌یه اخراجی ایله باغلی بوتون لاییحه‌لر پارالل شکیل‌ده و کووردیناسییالی فورمادا اجرا اولونور:

«بو استقامت‌ده جدی ایرلیله‌ییشلر الده اولونوب. ایندیه‌دک حیاتا کئچیریلن اساس لاییحه‌لر سیراسیندا باکی-تفلیس-جیهان نفت کمرینی، باکی-تفلیس-ارضروم گاز بورو کمرینی و ناخچیوان-تورکییه الکتریک اینترکوننکتورونو قید ائده بیلره‌م».