«جنوبی قافقاز ائله صاحبسیز رئگیون‌دور کی، ترامپ اونو اجاره‌یه گؤتورسون؟»

Axar.az خبر وئریر کی، بونو ایرانین رهبری علی خامنه‌ای‌نین مشاویری علی اکبر ویلایتی آمریکادا امضالانان اوچطرفلی بیاننامه باره‌ده دانیشارکن دئییب.

ویلایتی، ایرانین قافقازدا قورولماسی پلانلانان "آمریکان دهلیزی"نین قارشی‌سینی آلاجاغینی دئییب:

"قافقاز دنیانین ان حساس جغرافی نقطه‌لریندن بیری‌دیر. سؤزوگئدن یول ترامپین ملکیتین‌ده اولان دهلیزه یوخ، ترامپین مزدلولارینین مزارلیغینا چئوریله‌جک. ترامپ ائله بیلیر کی، دلالدیر و تورپاق، بؤلگه اجاره‌یه گؤتوره بیلر".

خامنه‌ای‌نین مشاویری مسئله ایله باغلی تهرانین اوولکی ادعالارینی یئنی‌دن تکرارلاییب و دهلیزین آچیلماسینی "ایرانا قارشی پلانین ترکیب حیصه‌سی اولدوغونو" ادعا ائدیب:

""زنگزور دهلیزی"نین یارادیلماسی ایرانین شمال و شمال-غرب‌ده‌کی یول علاقه‌لرینی یالنیز تورکییه ایله محدودلاشدیراجاق. بو تخریبات حیاتا کئچسه، جنوبی قافقازین تهلوکه‌سیزلییی تهدید اولوناجاق. ایران ایسه بو تهلوکه‌نین قارشی‌سینی آلماق اوچون حرکت ائد‌جک. روسییا ایله، یا دا روسییاسیز".

او، بو دهلیزین ساده‌جه تجارت یولو دئییل، "ایران و بعضی قونشو اؤلکه‌لره قارشی سیاسی تخریبات" اولدوغونو باره‌ده فیکیرلرینی یئنی‌دن سسلندیریب:

"ناتو عضوو اولان تورکییه ایله یاناشی، دیگر ناتو اؤلکه‌لری ده بو بؤلگه‌یه یئرلشمک ایسته‌ییر. ناتو ایرانلا روسییا آراسیندا ایلان کیمی اوزانماق ایسته‌ییر. ایران بونا اجازه وئرمه‌یه‌جک».

علی اکبر ویلایتی همچینین بیلدیریب کی، سؤزوگئدن دهلیز گله‌جک‌ده ارمنستانین پارچالانماسینا گتیریب چیخاراجاق:

"هئچ بیر خالق اؤز تورپاغینین پارچالانماسینا راضی اولماز، حتی حکومتی غیری-ثابت موقعلر سرگیله‌سه ده. بو دهلیز رئگیونون گئوسییاسی وضعیتینی دییشدیریر، سرحدلری دییشمه‌یه سبب اولور و ارمنستانین پارچالانماسی اوچون نظرده توتولوب".

قید ائدک کی، بو سون ۱ آی عرضین‌ده ویلایتینین زنگزور دهلیزی ایله باغلی دؤردونجو بیاناتی‌دیر.

او، بوندان اول دهلیزین آچیلماسینین "ایرانی محاصره ائتمک پلانینین ترکیب حیصه‌سی اولدوغونو" دئییب، تهرانین بونا قارشی ایسته‌نیلن اؤنله‌ییجی حرکتی ائتمک‌ده حاق‌لی اولدوغونو سؤیله‌ییب.

مسئله‌نین ماراقلی طرفی ایسه بوندان عبارت‌دیر کی، ویلایتی بیاناتلاریندا ارمنستانین آمریکا و غربله مناسیبتلرینه توخونمادان بوتون باش وئره‌نلرده آذربایجان رسپوبلیکاسینی هدف آلیر.