"ترامپین یولو"نون (و یا زنگزور دهلیزینین) تفرعاتلاری ارمنستان و آمریکا نماینده هئیتلری آراسین‌دا تماسلار، مذاکیره‌لر و دانیشیقلار یولو ایله آیدینلاشدیریلاجاق.

Axar.az خبر وئریر کی، بونو ارمنستان خارجی ایشلر ناظری آرارات میرزویان دئییب.

"آذربایجان طرفی ایله عمومی آنلاشمالار وار و بونلار کوممونیکاسییالارین آچیلماسینین هر ایکی اؤلکه‌نین اراضی بوتؤولویو، سرحدلرینین توخونولمازلیغی، سووئرئنلییی و یوریسدیک‌سییاسی چرچیوه‌سین‌ده، مانعه‌سیز، قارشیلیقلی اوستونلوکلرله حیاتا کئچیریلجه‌یینی نظرده توتان واشینگتون بیاننامه‌سین‌ده اؤز عکسینی تاپیب»، - ناظر بیلدیریب.

"نیه گؤره آذربایجان‌دان فرقلی اولاراق سندده ارمنستانلا باغلی بؤلمه‌ده "مانعه‌سیز کئچید" ایفاده‌سی یوخدور" سئوالینا میرزویان بئله جواب وئریب:

«مانعه‌سیز کئچید ندیر؟ اونلارلا کونوئنسییا و بین‌الخالق سندلر وار کی، ارمنستانین همین مانعه‌سیز کئچیدله باغلی عهده‌لیکلری وار. اوسته‌لیک، تکجه آذربایجانلا باغلی دئییل".

خارجی ایشلر ناظری بو و دیگر مسئله‌لرله باغلی ارمنستان مخالیفتینه قولاق آسماماغی توصیه ائدیب.