۲۷ سنتیابر ۲۰۲۵-جی ایل تاریخین‌ده گئجه ساعتلاریندا ایرانین نووه پروگرامی ایله باغلی تهران و غرب دولتلری آراسیندا دانیشیقلارین دالانا دیره‌نمه‌سینین آردیندان سون ۱۰ ایلده ایلک دفعه ب‌ام‌ت-نین ایرانا قارشی هرطرفلی سانک‌سییالاری برپا ائدیلیب. ایرانین نووه پروگرامی ایله باغلی سانکسییالار ایکی گون اول نیو یورک واختی ایله ساعت ۲۰:۰۰-دا آوتوماتیک اولاراق قوه‌یه مینیب.

غرب دولتلرینین بو آددیمینا ایرانین مالییه بازاری دا ایلک رئاکسییالارینی وئریب. معلوماتا گؤره، ب‌ام‌ت سانکسییالارینین برپاسیندان درحال سونرا ایران ریالی دونن سحر ساعت ۷:۳۰ راده‌لرینده دوللار قارشیسیندا تاریخینین ان آشاغی سوییه‌سینه ائنیب. قارا بازاردا ۱ دوللار ۱.۱۲ میلیون ریالا ساتیلیب.

Axar.az خبر وئریر کی، بو سؤزلری پولیتولوگ حیدر اوغوز قید ائدیب.

او بیلدیریب کی، مالییه بازارینین سانکسییالارین برپا اولونماسینا اوپئراتیو رئاکسییاسی اوندان خبر وئریر کی، ایرانلیلار دا یاخین گونلرده نه ایله اوزلشه‌جکلرینین فرقینده‌دیرلر:

"درد بوراسیندادیر کی، ایران تکجه اقتصادی سانکسییالارا معروض قالمایاجاق. بو یای ۱۲ گونلوک اسرائیل-ایران ساواشینا سلاح چاتیشمازلیغی سببیندن آرا وئره‌ن تل‌آویوین ایرانا هجومونون یئنی‌دن باشلانماسی دا استثنا ائدیلمیر.

بیر مدت اول اسرائیل-ایران آراسیندا یئنی محاربه‌نین باش وئرمه احتمالینین زامان آرالیغینی وئرمیشدیم: ۲۸ سنتیابر ۲۰۲۵-جی ایلده‌ن ۲۰۲۶-جی ایلین مای آیینا قدر. زامان آرالیغینین باشلانغیج نقطه‌سی دونن تامام اولدو. بو گون ایسه واشینگتون‌دا اسرائیلین باش ناظری بنیامین نتانیاهو آمریکا پرزیدنتی دونالد ترامپلا گؤروشه‌جک. ایلک باخیشدان، گؤروشون اساس موضوعونون فلسطین مسئله‌سی اولاجاغی گؤرونور. منجه، اساس موضوعو فلسطین یوخ، ایران اولاجاق. طبیعی کی، نتانیاهو اؤز حمایه‌دارینی ایرانا هجوما هوسلندیرمه‌یه چالیشاجاق. ترامپی ایران مسئله‌سین‌ده یولا گتیرمک اوچون ایسه بؤیوک تکانا احتیاج یوخدور. اساس مسئله آوروپا اوچلوسونو یولا گتیرمک ایدی و اونلار آوگوستون ۲۸-ده ب‌ام‌ت-یه مراجعت ائد‌رک اصلین‌ده اؤز راضیلیقلارینی وئردیلر. بوندان سونرایا ایسه ساده‌جه ترامپین "بین‌الخالق سفاریشی" نظره آلیب دویمه‌یه باسماغی قالیر.

بس، اسرائیل و غرب اؤلکه‌لرینین ایرانلا ساواشینین اساس مقصدی ندیر؟

فیکریمجه، بونون ۳ مهم سببی وار:

۱. اسرائیلین ۱۲ گونلوک محاربه‌ده قارشیسینا قویدوغو هدفلری رئاللاش‌دیرا، خصوصیله ده ایرانین نووه پروگرامینی تامامیله سیرادان چیخارا بیلمه‌مه‌سی؛

۲. حاضردا آزلیق حکومتینه رهبرلیک ائد‌ن نتانیاهونون اوکتیابرین ۲۷-نه قدر اوغور حکایه‌سی یاراداراق اؤز لئگیتیملیینی برپا آرزوسو؛

۳. اودئد یینون پلانینا اساساً، یاخین شرقین سون قالاسی اولان و قم-آ باغلی پروکسی قوه‌لرینین باش قرارگاهی ساییلان ایرانی تامامن سیرادان چیخاریب "مقاومت اوخو"نو قیرماق".