اوکتیابرین ۶-دا روسیا مدافعه ناظرلیینین سندی درج اولونوب و بو سند ۲۰۲۵-جی ایلده روسیانین اوکراینا محاربه‌سین‌ده‌کی ایتکیلرینی اوزه چیخاریب.

Axar.az خبر وئریر کی، بو باره‌ده «فوربس» نشری یازیب.

قید اولونور کی، حسابات‌دا اوکراینادا فعالیت گؤستره‌ن حربی گروپلاشمالار اوزره اؤلن و یارالانان روس حربچیلرینین بؤلگوسو تقدیم ائدیلیب. معلوماتا گؤره، یانوار آییندان بری روسلار ۲۸۰ مین نفردن چوخ ایتکی وئریبلر. «مدوزا» و بی.بی.سی-نین روس خدمتی طرفین‌دن آپاریلان مستقل آراشدیرما ایسه گؤستریب کی، ۲۰۲۵-جی تقویم ایلی عرضین‌ده روسلارین ایتکیلری تخمیناً ۲۱۹ مین نفر اولوب. بو معلوماتلار روسیانین اوکراینایا تجاوزونون داغیدیجی نتیجه‌لرینی گؤستریر.

بوندان علاوه، روسیا اون میلیاردلارلا دلار دیرینده حربی تکنیکا و آوادانلیق ایتیریب. روسیانین اشغال‌دان اول موجود اولان تانک قوه‌لرینین اوچده ایکی‌سی محو ائدیلیب، اوکراینالیلار ایسه قارا دنیزده روسیا حربی دونانماسینین تخمیناً یاریسینی باتیریبلار و یا سیرادان چیخاریبلار. قیمتلندیرمه‌لره گؤره، بین‌الخالق سانکسیالار نتیجه‌سینده روسیا یوز میلیاردلارلا دلار اقتصادی ضرر گؤروب.

روسیا اوکراینایا قارشی محاربه‌سی زمانی یوز مینلرله هربچینی سفربر ائدیب. اونلارین آراسین‌دا هم گنج و تجروبه‌سیز عسگرلر، هم ده وئتئرانلار و یوکسک روتبه‌لی ظابطلر اولوب.