ایران‌دا ۲۰۲۵-جی ایلین دکابرین‌دا باشلایان شدتلی اعتراض آکسییالاریندان سونرا حکومت اهالینین اساس قیدا محصوللارینا چیخیشینی تامین ائتمک اوچون "کالابرگ" آدلی الکترون کوپون تطبیقینه باشلاییب. بو آددیم یوکسک اینفلیاسییا و ارزاق قیطلیغی ایله مبارزه مقصدی داشییر.

Axar.az خبر وئریر کی، "کالابرگ" سیستمی وطنداشلارا سود، پندیر، یاغ، دویو، ات و یومورتا کیمی ۱۱ اساس قیدا محصولونو داها اوجوز قیمته آلماغا امکان وئرن رقمسال کارت سیستمی‌دیر. بو سیستم واسطه‌سیله دولت بیرباشا وطنداشین کارتینا کرئدیت و یا رقمسال سند شکلینده دستک تعیین ائدیر.

ایران رسمیلری بیلدیریرلر کی، تطبیق سایه‌سینده اوللر مارکت رفلرینده تاپیلمایان بعضی محصوللار یئنی‌دن ساتیشا چیخاریلیب و قیمتلرده قسما ائنمه مشاهده اولونور. لاکن خالق بو دییشیکلیکلره احتیاطلا یاناشیر:

بعضی وطنداشلار بو دستیین فایدالی اولدوغونو، لاکن قیمت آرتیمینین قارشی‌سینی آلماق اوچون کفایت ائتمه‌دیینی بیلدیریرلر.

حکومت قیمتلری ثابت ساخلاماق اوچون "گذشتلی والیوتا مزننه‌سی" سیستمین‌ده ده دییشیکلیک ائدیب. اوللر ایدخال‌چیلارا اوجوز دلار وئریلیردی کی، محصوللار بازارا اوجوز داخل اولسون. لاکن بو سیستم کوروپسییا و سوء استفاده حاللارینا یول آچدیغی اوچون حکومت ایندی بیرباشا استحلاکچییا (خالقا) الکترون کوپونلار واسطه‌سیله دستک وئرمه‌یه اوستونلوک وئریر.