ایرانین خاریجی ایشلر ناظرینین معاوینی واحید جلال‌زاده باکی‌دا آذربایجان خاریجی ایشلر ناظری جیحون بایراموولا مذاکیره‌لر آپاردیقدان سونرا ژورنالیستلرین سئواللارینا جواب وئریب. ایرانلی ناظر ژورنالیستلر واسطه‌سیله تهرانین مئساژینی چاتدیرماق ایسته‌ییب. «ایرانا هجوم اولارسا، محاربه سرحدلری آشاجاق» – بو ایرانلی دیپلوماتین سسلندیردیی اساس مئساژ اولوب.

Axar.az خبر وئریر کی، بو سؤزلری پولیتولوگ ائلخان شاهین‌اوغلو بیلدیریب.

«ایران رسمیلری هر زامان دئییرلر کی، آمریکا ایرانا ضربه وورارسا، ایران دا آمریکانین بؤلگه‌ده‌کی حربی بازالارینا ضربه‌لر ائندیره‌جک. آمریکانین آذربایجان‌دا حربی بازاسی یوخدور، آنجاق ایکی اؤلکه آراسیندا طرفداشلیق مناسیبتلری فورمالاشیب. آذربایجان قونشو اؤلکه‌ده ثابت‌لیک‌ده ماراقلی‌دیر. آنجاق ایرانلی دیپلوماتین سؤزلرین‌دن بئله چیخیر کی، ایران‌دا محاربه نتیجه‌سین‌ده ثابت‌لیک پوزولارسا، تهران قونشو اؤلکه‌لره پروبلئم یاراداجاق. بو آچیق-آشکار تهدیددیر»، - او قید ائدیب.

پولیتولوگ وورغولاییب کی، ایرانلی دیپلومات بونون آردینجا «بعضی رئگیون اؤلکه‌لرینین بونو باشا دوشدویونو و بو تهلوکه حاقدا آمریکا رهبرلیینی خبردار ائتدیینی» دئییب:

«آمریکا پرزیدنتی دونالد ترامپی ایرانا ضربه وورماقدان چکیندیرمه‌یه چالیشان ۴ دولت – تورکییه، سعودییه عربستانی، قطر و عمان اولوب. آنجاق آمریکا پرزیدنتی دونالد ترامپ بو حاقدا سئوالا جواب وئررکن، ایرانا ضربه ائندیرمه‌مک قرارینی اؤز ملاحظه‌لرینه گؤره ائرته‌له‌دیینی دئییب. ایرانلی دیپلومات بؤلگه اؤلکه‌لرینین آمریکا پرزیدنتینین قرارینا تأثیر ائتدیینی و بو عاملین محاربه تهلوکه‌سینی سوووشدوردوغونو وورغولاسا دا، آغ ائو صاحبینین تعلیماتییلا آمریکانین بیر نئچه حربی گمیسی ایران ساحللرینه یاخینلاشیب. یعنی ایرانلا باغلی تهلوکه هله سوووشماییب».