ایران‌دا مجتبی خامنه‌ای‌نین ایرانین یئنی رهبری سئچیلمه‌سی اؤزو ایله بیر سیرا شبهه‌لی مقاملارین اورتایا چیخماسینا سبب اولدو. بیر طرف‌دن خبرگان مجلیسینین (اکسپرتلر شوراسی) توپلانمادان بیر نفرین لهینه سس وئریب اونو رهبر سئچمه‌سی، دیگر طرف‌دن سئچیلن رهبرین گونلردیر اورتالیق‌دا اولماماسی بیر چوخ شایعه‌لر و شبهه‌لره یول آچیر.

خامنه‌اینین سئچیمی دوغرودورمو؟ ایرانین موجود قانونلارینا گؤره، مجتبی خامنه‌ای عالی رهبر اولا بیلردیمی؟

بو سواللارا او ساحه‌نین متخصصلری - حقوق‌شناس، فقه و اجتهاد ساحه‌سین‌ده بیلیی اولانلار دوغرو جواب وئره بیلر.

بیز ایسه خبرگان مجلیسینین بو قراری حاق‌دا اؤز دوشونجه‌لریمیزی بؤلوشک:

علی خامنه‌ای ۴۰ ایله یاخین عالی رهبر وظیفه‌سین‌ده اولوب. او، بو وظیفه‌یه سئچیلنده هئچ آیت‌اللاه روتبه‌سینه صاحب دئییلدی. بیر گئجه ایچینده هم رهبر سئچیلدی، هم ده آیت‌اللاه روتبه‌سی آلدی. بوتون دین خادملری او دورون رئال‌لیقلارینی نظره آلاراق علی خامنه‌اینی ایرانین رهبری و «غیبت» دؤنه‌مینده «غایب امامین» نماینده‌سی اولاراق «ولایت فقیه» پوستونا قبول ائتدیلر. اونا بیعت ائدیب، مطلق حاکمیتی ایله راضیلاشدیلار.

او دورده رفسنجانینین (ایران‌دا نفوذونا گؤره ایکینجی آدام ایدی) سعیلرینی و محاربه‌دن یئنیجه چیخان ضعیف بیر اؤلکه‌نین دورومونو نظره آلان دین خادملری و سیاسی شخصیتلر خامنه‌اینین موقتی اولاراق رهبر سئچیلمه‌سینه راضی‌لیق وئردی. لاکین خامنه‌ای آز بیر زمان‌دا حاکمیت داخلی اختلافلاردان استفاده ائد‌رک سپاهین لیدرلرینی اؤز طرفینه چکدی و مقامینی محکملندیرمیی باجاردی. رفسنجانینین پرزیدنتلییندن سونراکی دؤنملرده ده بوتون گروپلار آراسین‌دا بیرلشدیریجی عامله چئوریلدی.

لاکین گئتدیکجه گوجو آرتدی، محافظه‌کار گروپون منافعینین تعمیناتچی‌سی اولاراق خالقین ایستک و دوشونجه‌لرینه عکس سیاسی خط یوروتمه‌یه، غربله مناسبتلرین گرگینلشمه‌سینه، اسرائیل و آمریکا ایله ضدیتلرین درینلشمه‌سینه، پروکسی قوه‌لر یاراداراق یاخین شرق‌ده اؤز ایمپرییاسینی قورماغا و دیگر قونشو اؤلکه‌لره پروبلملر یاراتماغا باشلادی. بونونلا دا گویا ایرانی خارجی دوشمنلردن قوروماغا و اونو حربی‌لشدیریلمیش بیر دولته چئویرمه‌یه باشلادی.

او، داخلی ناراضی‌لیقلاری سرت متودلارلا یاتیریردی و مخالفلره قارشی قددارلیق نماییش ائتدیریردی. بو سیاست ایران داخلن‌ده سرت خط طرفدارلاری طرفین‌دن دستکلنیر و آلقیشلانیردی.

علی خامنه‌اینین بو سیاسی کورسونو یئریتمک‌ده سپاه و اونون کوماندیرلرینین جدی رولو و پایی اولوب. سپاه کوماندیرلری ایله خامنه‌ینین علاقه‌سی ایسه دایم اوغلو مجتبی خامنه‌ای واسطه‌سیله اولوب. بو سبب‌دن مجتبی سپاه لیدرلری آراسین‌دا بؤیوک حرمت و نفوذا مالک‌دیر. حتی مجتبی‌نین سپاه‌دا نفوذو او قدر گوجلنمیشدی کی، اونو ایران‌دا ایسته‌نیله‌ن واخت ایسته‌نیله‌ن حکومتی سئچمک و یا ایستدیی شخصی هر هانسی وظیفه‌یه تعیین ائتمک گوجونه مالک شخص ساییردیلار.

خامنه‌اینین اؤلومون‌دن سونرا ایندیکی وضعیت‌ده سپاه-ا رام ائد‌جک یگانه شخصیت آنجاق و آنجاق مجتبی خامنه‌ای اولا بیلر. اوندان باشقا نه پرزیدنت، نه اصلاحاتچی لیدرلر، نه ده تصادفی محافظه‌کار گروپلارین عضولرینین هئچ بیری سپاه-آ تأثیر امکانلارینا مالک دئییل. سپاه‌ین حاضرکی فعالیتلری و حربی عملیاتلاری خامنه‌اینین ساغلیغیندا اولجه‌دن وئریلمیش تاپشیریقلارین سونادک یئرینه یئتیریلمه‌سیندن عبارتدیر. حتی عرب اؤلکه‌لرینه هجوم و هرمز بوغازینین باغلانماسی دا اولجه‌دن معین اولونوب و پروگرام اساسین‌دا سپاه طرفیندن حیاتا کئچیریلیر. بو قوروم حاضردا هئچ کیم دن گؤستریش آلمادان ۳-جو - ۴-جو روتبه‌لی ظابطلر طرفین‌دن اؤنجه‌دن حاضرلانان تلیماتلاری ایجرا ائدیر.

بو باخیم‌دان سئپاه-این داها آقرئسسیو جهدلرینی و چیخیلماز وضعیته گتیره‌جک حرکتلرینی اؤنله‌مک اوچون موجتبا خامئنئینین سئچیلمه‌سی لازیم و واجیب عامل ایدی. بو، کاغیذ اوستون‌ده و یا فورمال اولسا بئله، جدی فاکتوردور. موجتبا خامئنئینین (حتی دئییلدیی کیمی، کومادا اولسا بئله) وارلیغی سئپاه-آ اومیدوئریجی عامل‌دیر.

دیگر طرف‌دن، بو سئچیملرده موجتبا خامئنئی‌دن باشقا هر هان‌سی بیر نامیزدین سئچیلمهی‌سی سئپاه طرفین‌دن قبول ائدیلمیجیی کیمی، دیگر سیاسی قروپ و جرهیانلار طرفین‌دن ده بیرمه‌نالی قارشیلانمایاجاق‌دی. اصلاحات‌چیلاری موهافیزکارلار قبول ائتمزدی، موهافیزکارلاری دا اصلاحات‌چیلار. بو ایسه بئله بیر گرگین دؤنه‌م‌ده سیاسی ایختیلافلارین داها دا درینلشمه‌سینه سبب اولاجاق‌دی.

بو سبب‌دن بوتون سیاسی جرهیانلار گون‌ده‌م‌ده اولمایان، سئپاه طرفین‌دن قبول اولونان، هئچ بیر قروپون منافعینه خلل گتیره بیلمه‌یه‌ن و خامئنئی سویادینی داشییان بیر لیدئرین سئچیلمه‌سینی مقبول حساب ائتدی.