پرزیدنت ایلهام علیئو ایرانلی همکاری مسعود پزشکیانین آذربایجانا تشکر ائتمه‌سینه مناسبت بیلدیریب.

Axar.az خبر وئریر کی، بو باره‌ده پرزیدنتین سوسیال مئدیا حسابیندا پایلاشیم ائدیلیب.

"ایران اسلام رسپوبلیکاسینین پرزیدنتی، قارداشیم پرزیدنت مسعود پزشکیانین آذربایجان خالقینا و دولتینه گؤستریلن دسته‌یه گؤره تشکرونو ایفاده ائتمه‌سی خالقیمیز طرفیندن یوکسک قیمتلندیریلیر. دوست و قارداش خالقلاریمیز عصرلر بویو بیر-بیرینه دایاق اولوب و هم یاخشی، هم ده چتین گونلرده دایم بیر-بیریمیزین یانیندا اولماغا داوام ائده‌جه‌ییک"، - پایلاشیم‌دا وورغولانیب.

قید ائدک کی، م. پزشکیان آپرلین ۳-ده X سوسیال مئدیا حسابیندا ائتدیی پایلاشیم‌دا آذربایجان حکومتینین و خالقینین ایرانا گؤستردیی رغبت و دسته‌یی یوکسک قیمتلندیردیینی وورغولاییب.

خاطیرلاداق کی، ایران پرزیدنتی مسعود پزشکیان آپرلین ۲-ده آذربایجان پرزیدنتی ایلهام علیئوه زنگ ائدیب.