آمریکا و ایران اسلام‌آباددا دانیشیقلاریندان اؤنجه حربی ریتوریکادان گئنیش استفاده ائدیب. ترامپ دانیشیقلاردا نتیجه‌نین ۲۴ ساعت عرضینده الده ائدیلمه‌سینی، عکس تقدیرده، حربی عملیاتلارا یئنی‌دن باشلایاجاغینی بیان ائدیب. اسرائیل «ایسته‌نیلن آن دؤیوشلری برپا ائتمه‌یه حاضر اولدوغونو» بیلدیریب. ایران دا نوبتی هجوملارا جواب وئرجه‌یینی دئییب.

حربی ریتوریکادان استفاده طرفلرین ماسادا علینی گوجله‌ندیرمک مقصدی داشیییر. اؤز نؤوبه‌سینده حربی ائسکالاسییا ریسکی ده یوکسک اولاراق قالیر. لاکین حربی عملیاتلارین ممکن برپاسینین هانسی سوییه‌ده اولاجاغی سئوال آلتیندادیر.

بیرینجی‌سی، هوا ضربه‌لری ایله رژیمی دییشمک ممکن دئییل و آمریکا و اسرائیلین بوندان سونرا آنالوژی عملیات تاکتیکاسی اففکت‌سیز گؤرونور: ایران‌دا استراتژی حربی هدفلرین اکثریتی سیرادان چیخاریلیب؛

ایکینجی‌سی، ایرانین تسلیم اولماسی شرطلرینی یئتیشدیره‌جک قورو عملیاتی، یاخود داخیلی عصیان غیری-ممکن‌دور، ان آزی یاخین پرسپکتیوده؛
بو کونتکست‌ده هوا ضربه‌لرینی احاطه ائد‌جک عملیاتلاری برپا ائتمک صرفه‌لی گؤرونمور. آمریکا تضییقله ایرانی دانیشیقلار ماساسیندا راضی سالماغا چالیشاجاق. تضییق آکتلاریندان بیری ده دانیشیقلارین گئتدیی واخت معین هدفلره ضربه‌لرین ائندیریلمه‌سی، قیسا مدتلی عملیاتلارین کئچیریلمه‌سی اولا بیلر. استثنا دئییل کی، دانیشیقلارا پارالل شکیل‌ده دؤیوشلر ده معین فاصیله‌لرله داوام ائد‌جک.
هرچند، دانیشیقلار ماساسین‌دان مثبت نتیجه‌نین چیخاجاغی احتمالی ضعیف‌دیر:

هر ایکی طرفین طلبلری ماکسیمالیست و ایکی‌سیندن بیرینین گئری چکیلجه‌یی گؤزلنتیسی ایسه مینیمال‌دیر؛ لاکین هر ایکی طرفین محاربه‌نین برپاسیندا ماراقلی اولمادیغی آیدین گؤرونور.

بو باخیم‌دان، دانیشیقلارین بیر نئچه راوندا بؤلونه‌جه‌یی استثنا ائدیلمه‌ین واریانت‌دیر.

بیرینجی راونددا طرفلر مؤقعلرینی دیکته ائتمه‌یه و حربی-پسیکولوژی واسطه‌لرله اوستونلوک قازانماغا چالیشاجاق. ایلک گؤروش‌ده ممکن راضیلاشما دانیشیقلارین داوام ائتدیریلمه‌سی اوزرینده اولا بیلر. دانیشیقلارین داوام ائتدیریلمه‌سی آتشکس مدتینین ده اوزادیلماسینا شرایط یارادا بیلر کی، طرفلر اجتیماعیت قاریشی‌سیندا سرت مؤقع سرگیله‌سه‌لر ده، رئال‌لیقدا بونا احتیاجلاری وار. نوبتی راوندلاردا ایسه معین یومشالمار مشاهده ائدیله بیلر. لاکین یکون راضیلاشما وئرسییاسی سئوال آلتیندادیر.

ممکن‌دور کی، هر ایکی طرف دانیشیقلاردان زامان قازانماق مقصدیله استفاده ائتمه‌یی دوشونور.

- ایران حربی ایتکیلرینی برپا ائتمک و محاربه‌نین نوبتی مرحله‌سینه حاضیرلاشماق ایسته‌ییر؛

- آمریکا و اسرائیل بو مدت‌ده ایرانی تسلیم ائتمه‌یین، رژیمین دئوریلمه‌سینین یئنی یوللارینی آختاراجاق.

بوتون بونلارلا یاناشی، مئدیا اوزریندن «غلبه» تبلیغاتی خصوصی استقامت کیمی داوام ائده، حتی «دیپلوماتیک ماسادان غالب آیریلماق» ادعالاری دا بورا علاوه اولونا بیلر.