اسرائیلین ملی تهلوکه‌سیزلیک ناظری ایتامار بن-گویر بیان ائدیب کی، اؤلکه‌سی آمریکا بیرلشمیش اشتاتلاری ایله ایران آراسینداکی راضیلاشمانین شرطلرینه هئچ بیر فورمادا عمل ائتمک مجبوریتینده دئییل. چونکی اسرائیل واشینگتونون تابعلیینده فعالیت گؤسترمیر.

Axar.az خبر وئریر کی، ناظر بونونلا باغلی موقعیینی X سوسیال شبکه‌سینده پایلاشیب.

"آمریکا پرزیدنتی دونالد ترامپین راضیلاشماسی اسرائیلی هئچ نیه مجبور ائتمیر. اسرائیل مستقل، سووئرن بیر اؤلکه‌دیر و بیرلشمیش اشتاتلارا تابع دئییل. بیز پرزیدنت ترامپا سون‌سوز میننتداریق. لاکین بونونلا یاناشی، اسرائیل دولتی بانان رسپوبلیکاسی دئییل"، - دئیه بن-گویر قید ائدیب.

ناظر اؤز موقعیینی اونونلا اساسلاندیریب کی، تل‌آویو بو سندین طرفداشی دئییل و همین راضیلاشما اؤلکه‌نین تهلوکه‌سیزلیک ماراقلارینی نظره آلمادیغی اوچون اسرائیلی هئچ بیر حالدا عهده‌لیک آلتینا سالا بیلمز.

"بیز لبنان حزبوللاهی‌نین تامامیله محو ائدیلمه‌سیندن داها آزینا راضی اولا بیلمریک. عینی زاماندا، اوردوموزون اله کئچیردیی و ترورچولارین اینفراستروکتوروندان تمیزله‌دیی اراضیلری ترک ائده بیلمریک"، - دئیه او وورغولاییب.

قید ائدک کی، پاکستان باش ناظری شاهباز شریف ایرانلا آمریکا آراسیندا راضیلاشمانین الده ائدیلدیینی و سازیشین ۱۹ ایوندا سوئیس‌ده امضالاناجاغینی بیان ائدیب.