ایران عالی محکمه سی میلیاردئر بابک زنجانییه قارشی قبول ائدیلن اؤلوم حکمونو لغو ائدیب.

آخار.آذ خبر وئریر کی، بو باره ده اینفورماسییانی ایسنا آگئنتلییی اؤزونون اعتیبارلی منبع لرینه استینادا یاییب.

قید ائدک کی مارتین 7-ده ایران محکمه سی بابک زنجانییه اعدام حؤکمو چیخاریب. زنجانی ایرانین نفت پوللارینین منیمسه نیلمه سینده و چیرکلی پوللارین یویولماسیندا گناهلاندیریلیر. حاضردا زنجانینین 14 میلیارد دلار ثروتی وار. گونئی آذربایجاندان اولان مشهور میلیاردر رضا ضراب(حاضیردا آمئریکا بیرلشمیش شتاتلاریندا حبس آلتیندادی) اونون ترکییه ده کی اساس اورتاقی حساب ائدیلیر.

بیر مدت اؤنجه رسمی تهران زنجانینین اعدام قرارینی دییشدیریله بیله جگینی آچیقلامیشدی. بونون اوچون زنجانی دن اؤلکه یه اولان 2.8 میلیارد دلارلیق بورجونون گئری قایتاریلماسی طلب اولونوردو.