دئکابرین ۱۶-دا آذربایجانین و گورجوستانین مدافعه ناظیرلیکلری آراسیندا ۲۰۱۷-جی ایل اوچون امکداشلیق پلانی ایمضالانیب.

مدافعه ناظیرلیین‌دن آخار . آذ-آ وئریله‌ن معلوماتا گؤره، سند آذربایجان رئسپوبلیکاسینین مدافعه ناظیری گئنئرال-پولکوونیک ذاکیر حسنووون اؤلکه‌میزده رسمی سفرده اولان گورجوستانین مدافعه ناظیری لئوان ایزوریا ایله کئچیریله‌ن گؤروشو چرچیوه‌سین‌ده ایمضالانیب.

گؤروشدن اول گورجوستانین نماینده هئیتی فخری خیابانا گله‌رک خالقیمیزین عوموم میللی لیدئری حیدر علیئوین خاطره‌سینی ائحتیراملا یاد ائدیب، مزاری اؤنونه اکلیل قویوب. گؤرکم‌لی اوفتالمولوق عالیم، آکادئمیک ظریفه خانیم علیئوانین دا خاطره‌سی آنیلیب، مزاری اوزرینه گول دسته‌لری دوزولوب.

قوناقلار، همچینین شهیدلر خیابانیندا آذربایجانین موستقیل‌لیگی و اراضی بوتؤولویو اوغروندا موباریزه‌ده جانلاریندان کئچمیش قهرمان وطن اؤولادلارینین مزارلاری اوزرینه گول دسته‌لری، "اَبَدی مشعل" عابیده‌سی اؤنونه اکلیل قویوبلار.

سونرا مدافعه ناظیرلیین‌ده رسمی قارشیلانما مراسیمی کئچیریلیب.

گورجوستانین مدافعه ناظیری فخری قارووول دسته‌سینین اؤنون‌دن کئچیب، هر ایکی اؤلکه‌نین دؤولت هیمنلری سسلندیریلیب و پروتوکولا اویغون اولاراق "شرف کیتابی" ایمضالانیب.

آذربایجانین و گورجوستانین مدافعه ناظیرلری آراسیندا اولجه تک به تک، سونرا ایسه گئنیش ترکیب‌ده گؤروش کئچیریلیب.

قوناقلاری سالاملایان گئنئرال-پولکوونیک ز.حسنوو گورجوستان‌لی همکارینی یئنی تعییناتی موناسیبتیله تبریک ائدیب، اونا فعالیتین‌ده اوغورلار آرزولاییب.

اؤلکه‌لریمیزین حربی امکداشلیغینین ایکیطرف‌لی و ناتو چرچیوه‌سین‌ده حیاتا کئچیریله‌ن پروگراملار، ترئنینگلر واسطه‌سیله، ائله جه ده آذربایجان-تورکییه-گورجوستان حربی قوروملاری فورماتین‌دا آپاریلدیغینی خاطیرلادان گئنئرال-پولکوونیک ز.حسنوو وورغولاییب کی، گلن ایلده ده ایکی طرف‌لی و اوچ طرف‌لی تعلیملرین کئچیریلمه‌سی پلانلاشدیریلیر.

آذربایجان ایله گورجوستان آراسیندا ایستراتئژی طرفداشلیغین یوکسک سوییه‌سین‌دن دانیشان گئنئرال-پولکوونیک ز.حسنوو بونون تکجه اؤلکه‌لریمیزین اینکیشافیندا دئییل، هم ده بوتون رئگیوندا تهلوکسیزلیین تامین ائدیلمه‌سین‌ده موهوم رول اوینادیغینی وورغولاییب. مدافعه ناظیری بئین اَلخالق تشکیلاتلاردا آذربایجانی دستکله دیکلرینه، رئسپوبلیکامیزین اراضی بوتؤولویونو، داغ‌لیق قاراباغی اونون آیریلماز ترکیب حیسه‌سی کیمی تانیدیقلارینا گؤره گورجو خالقینا میننتدارلیغینی بیل‌دیره‌رک وورغولاییب کی، آذربایجان دا گورجوستانین اراضی بوتؤولویونو تانیییر و دستکله ییر.

گئنئرال-پولکوونیک ز.حسنوو اؤلکه‌لریمیزین حربی قوروملاری آراسین‌دا ۲۰۱۷-جی ایل اوچون امکداشلیق پلانینین ثمره‌لی طرفداشلیغیمیزین مؤحکملندیریلمه‌سینه خیدمت ائده جه یینه امینلیگینی بیلدیریب.

آذربایجانین مدافعه ناظیری گؤروشده ائرمنیستانین رئگیونال ثابیتلییه اساس تهلوکه یاراتدیغینی، ایشغالچی اؤلکه‌نین دؤولت سوییه‌سین‌ده دایم سئپاراتیزمی دستکله دیینی دیققته چاتدیریب.

ایلک رسمی سفرینی محض آذربایجانا ائتمه‌سین‌دن ممنونلوغونو بیلدیره‌ن ل.ایزوریا بونون اؤلکه‌لریمیز آراسیندا امکداشلیغین یوکسک سوییه‌سینین باریز نومونه‌سی اولدوغونو وورغولاییب. دؤولتلریمیز آراسیندا علاقه‌لرین اینکیشافیندا اؤلکه رهبرلرینین دوستلوق موناسیبتلرینین موهوم رول اوینادیغینی دئیه‌ن گورجوستانین مدافعه ناظیری بو جور گؤروشلرین امکداشلیغیمیزین گئنیشلندیریلمه‌سی باخیمین‌دان ضروری لیینی خصوصی قئید ائدیب.

ل.ایزوریا اونو دا بیلدیریب کی، گلن ایلده‌ن گورجوستان دا آذربایجان ایله تورکییه آراسیندا کئچیریله‌ن بیرگه حربی تعلیملرده ایشتیراک ائتمه‌یه حاضیردیر.

گؤروشده آذربایجان ایله گورجوستان مدافعه ناظیرلیکلری آراسیندا حربی، حربی تحصیل و حربی طیب ساحه‌لرینده امکداشلیغین پئرسپئکتیولری، بیرگه حربی تعلیملرین کئچیریلمه‌سینین ایمکانلاری، ایشچی گؤروشلرین تشکیلی و قارشیلیق‌لی ماراق دوغوران دیگر مسئله‌لر باره‌ده اطراف‌لی فیکیر موبادیله‌سی آپاریلیب.

سفر دئکابرین ۱۷-دک داوام ائد‌جک.