حلب عملیاتلارینین بللی بیر سوییه‌ده باشا چاتماسی فونوندا تورکییه، روسییا و ایران آراسین‌دا موسکوادا هانسی‌سا راضیلاشمالارین مومکونلویو غرب رسمیلرینی خصوصیله ناراحات ائدیر.

بو سؤزلری آخار. آز-آ آچیقلاماسین‌دا میللت وکیلی زاهید اوروج دئییب. کارلووون اؤلومونو یاخین شرق‌ده اوزون ایللردیر آپاریلان تئررور سیاستینین داوامی حساب ائد‌ن میللت وکیلینین سؤزلرینه گؤره، تورکییه و روسییانی سنگرین موختلیف طرفینه سوروکله‌یه‌نلر هر زامان بو دؤولتلری توققوشدورماقلا اونلاری ضعیفلدیب داها بؤیوک مکانلاردا آغالیق ائتمک ایستییرلر:

«بو، تاریخ‌ده ده بئله اولوب. اصلین‌ده، آوراسییا قیطعه‌سینین بو ایکی نهنگی ایمپئرییا خالقلاری‌دیر و شوبهه‌سیز کی، بئین الخالق تهلوکه‌سیزلیک سیستئ‌می بو اؤلکه‌لرین دوروموندان و اونلار آراسین‌داکی علاقه‌لردن چوخ آسیلی‌دیر. دؤولت باش‌چیلاری و حاکم پارتییالار جمعیته دوزگون مئساژلار وئرملیدیرلر کی، سیاسی آب-هوا قاینار درجه یه کئچمه‌سین. تأسف کی، سون ایللر تورکییه ایچری‌سین‌ده نه اینکی خاریجی مکان‌دا باش وئره‌ن حادثه‌لره باغلی حربی قوه‌لر آیاغا قالخیبلار، وطنداشلار آراسین‌دا دا مناقیشه حاللاری گئنیشلنیب و بیر نئچه ایستیقامت‌ده جبهه‌لر آچیلیب. اونا گؤره ده بعضا اردوغانی دئویرمک ایسته‌یه‌نلرین سلاحلی موباریزه‌سی گئوسییاسی پروبلئملرله سینخرونلاشیب و او قدر ضدیت‌لی بیر وضعیت یارانیب کی، بیر حادثه‌نین ماهیتینی تعیین ائتمک او قدر ده آسان دئییل. خصوصیله وورغولاماق ایستییرم کی، حلب عملیاتلارینین بللی بیر سوییه‌ده باشا چاتماسی فونون‌دا تورکییه، روسییا و ایران آراسین‌دا موسکوادا هانسی‌سا راضیلاشمالارین مومکونلویو غرب دایره‌لرینی چوخ ناراحات ائدیر. غرب سورییادا رئژیمی دئویرمک آدی ایله یوز میلیاردلارلا وسایت خرجله‌ییب، همچینین میلیونلارلا اینسانین بئینی یویولوب. دونیا ایجتیماعیتینی ائله بیر یازیق دوروما سالیبلار کی، حاظیرکی غلبه، یعنی حلبین تئررورچولاردان تمیزله‌نمه‌سی گله‌جک‌ده یاخین شرق‌ده آمئریکا و غربین ماراقلارینی ایر‌لییه آپارماق اوچون بؤیوک بیر تهلوکه کیمی قلمه وئریلیر. اونا گؤره ده بؤیوک رئوانش اولاجاق. ادعا ائتمیرم کی، بو جریان روس سفیرین قتله یئتیریلمه‌سی ایله اؤز مقصدینه چاتیب. یقین کی، بوندان سونراکی دؤورده داها بؤیوک ضربه‌لر اولاجاق».

میللت وکیلی بیلدیریب کی، صنعی رئژیملر واسطه‌سیله خالقین، اون مینلرله اینسانین سیلاهلاندیریلماسی بو آلووون ایوردانییا و دیگر اراضیلره کئچمه‌سینه یول آچا بیلر:

«آنجاق ان اؤنم‌لیسی اودور کی، روسییا و تورکییه سیاسی حاکمیتینین عزمینی قیرا بیلمه‌دیلر. بو، چوخ اؤنم‌لی‌دیر. چونکی هر ایکی اؤلکه‌نین میللت‌چی دایره‌لری وار و اونلار حادثه‌لری فرقلی سئناری‌ده اینکیشاف ائتدیرمک ایسته‌یه‌ن منفور قوه‌لرین علینه یئم وئره بیلرلر. آنکاراداکی تدبیرین رمزی معناسی خصوصیله سئچیلیب، یعنی پروگرامی ایجرا ائدنلر بوتون مرحله لری زرگر دقیق‌لیگی ایله حسابلاییبلار: "روسییا تورکلرین گؤزو ایله" سرگی‌سین‌ده ان بؤیوک منفور منظره ۲۲ یاشلی دلیقانلینین تئررورو اولور، باخین، تورک روسا آتش آچیر. اونا گؤره ده حساب ائدیره‌م کی، بئله خیانتکار آددیم هئچ بیر تورکون ایشی اولا بیلمز. بو شخصین گئنی، معنویاتی یاد دایره‌لره باغلی‌دیر. تئررورچولارین میللی ائتنیک منصوبیتی اولمور. بو ضربه تکجه روسییا و تورکییه‌یه قارشی یؤنلمه‌ییب. ایشید-ا بایراق تیکه‌نلر بئله بیر تهلوکه‌نی اؤز قاپیلارین‌دا گؤره‌جکلر».

زاهید اوروج وورغولاییب کی، دونه‌نه قدر ایران-تورکییه موناسیبتلرینه ضربه وورماق ایسته‌یه‌نلرین ایندی بو دؤولتلر آراسین‌دا متفق لیگی اؤز منافعلرینه ضربه کیمی قبول ائتمه‌سی و بونا گؤره حرکته کئچمه‌سی چوخ آغیر بئین الخالق توققوشمالارا یول آچا بیلر:

«حساب ائدیره‌م، تورکییه ائله آددیملار آتمالی‌دیر کی، سورییا و عیراق‌داکی بو وحشت دایان‌سین و روسییا ایله واحید سنگرده دوشمه‌نه قارشی ووروشا بیل‌سینلر. چونکی تاریخ‌ده اونلار آراسین‌داکی ۱۳ محاربه‌دن فایدالانانلار یالنیز باشقا دؤولتلر اولوب. آذربایجانین باخیشی اوندان عبارت‌دیر کی، بوتون دؤولتلر بئله بیر قتلی پیسله‌مکله برابر، حرکته کئچمه‌لی‌دیر، چونکی «ایشید لعنته لاییق‌دیر، ائرمه‌نی تئررورو نورمال‌دیر» یاناشماسی دونیانی بؤیوک تهلوکه‌ده قویوب. ایکی گون اؤنجه چئچئنیستان‌دا، اؤتن گون آنکارادا باش وئره‌ن بو حادثه، آردینجا آمئریکا سفیرلیینین قارشی‌سین‌دا سوء-قصد جهدلری، عینی آندا بئرلین‌ده اونلارلا شخصین قتلی، سوریخده مسجیددن چیخانلارا آتش یاغدیریلماسی ثبوت ائدیر کی، یاخین شرق اوزاق‌دا دئییل، یاخین شرق دوغوردان دا ائله یاخین‌دادیر. تئررورو باشقا قیطعه‌یه ایخراج ائد‌نلر بیر گون تئررورچولاری موطلق اؤز قاپیلارین‌دا گؤرورلر. بو حادثه‌لردن چیخان ان بؤیوک نتیجه اودور کی، بوتؤولوکده تئررورون کؤکونو قازیییب آتماق اوچون دؤولتلر اؤز ایمکان و رئسورسلارینی واحید جبهه‌ده بیرلش‌دیرمه‌لی و بیر آرایا گلملیدیرلر».