یئنی س.س.ر.ی-نین یارادیلماسی خولیادان باشقا بیر شئی دئییل.

بو سؤزلری آخار . آذ-آ آچیقلاماسیندا سابیق دؤولت موشاویری قابیل حسینلی دئییب. پولیتولوگ حساب ائدیر کی، س.س.ر.ی-نین برپاسینی ایسته‌یه‌نلر بیر شئیی اونودورلار کی، او دؤورده سوسیالیزم قورولوشو مؤوجود ایدی:

«یعنی جمعیتده خصوصی مولکیت یوخ ایدی، تام اولماسا دا، نیسبی بیر اجتماعی برابرلیک واردی. بو، مارکسیست نظریه‌سی اساسیندا فورمالاشمیش بیر جمعیت ایدی و اونو اجتماعی اینکیشافین یوکسک پیلله‌سی کیمی تقدیم ائدیردیلر. آنجاق بو گون س.س.ر.ی-نی یئنیدن یاراتماق ایسته‌یه‌نلر باشا دوشمورلر کی، اینسانلاردا نوستالگییا محض حیسسی سوسیالیزمه گؤره مؤوجود ایدی. ایندیکی روسییادا - خصوصی مولکیت و اولیقارخلارین میدان سولادیغی بیر جمعیتده اینسانلاری سوسیالیزمه جلب ائتمک آسان مسئله دئییل. بو گون قورباچووون س.س.ر.ی-نین برپاسیندان دانیشماغا معنوی حاقی یوخدور. او، س.س.ر.ی-نی داغیدان قوه‌لردن بیری‌دیر و میللتلر آراسی موناقیشه‌لرین یارانماسینا رواج وئردیینه گؤره ده بؤیوک مسولیت داشیییر. گؤرونور، روسییادا س.س.ر.ی-نی محض مارکسیزم-لئنینیزم نظریه‌سی اساسیندا دئییل، ایندیکی مؤوجود روسییا شرایطینده برپا ائتمه یی آرزولاییرلار. آنجاق بو زامان هئچ بیر س.س.ر.ی-دن صحبت گئده بیلمز. بو، سوسیالیزمدن اوزاق، بورژوازییا و پرولئتاریاتین مؤوجود اولدوغو بیر جمعیت اولاجاق».

پولیتولوگ دئییب کی، زوگانوولارین آرزولادیغی س.س.ر.ی چار روسییاسینین برپاسیندان باشقا بیر شئی دئییل:

«بو ایدئیالار نیه یاییلیر؟ چونکی روسییادا پوتینین بیلاواسیته رواج وئردیی بیر پروسئس باشالدیلیب. بو، اول روسییانین ترکیبینه داخیل اولان اؤلکه‌لرین یئنیدن روسییایا بیرلشدیریلمه‌سی و بؤیوک ایمپئرییانین یئنیدن برپاسی ایدئیاسیدیر. بو ایسه مومکونسوزدور. چونکی دونیانین بیر نیزامی و فورمالاشمیش سرحدلری وار. اونا گؤره ده نه زوقانووون، نه قورباچووون، نه ده پوتینین دئدیی س.س.ر.ی-نی برپا ائتمک مومکوندور. چونکی تکجه س.س.ر.ی آدلی اتفاق یوخ، س.س.ر.ی داخیلی اقتصادی، سیاسی، مدنی موناسیبتلر و اجتماعی قورولوش دا داغیدیلیب. اصلینده، س.س.ر.ی-نی برپا ائتمک ایسته‌یه‌نلرین الینده رئال پلانلاری، حتی اینسانلاری بو بیرلییه شعورلو صورتده جلب ائتمه یین یوللاری یوخدور. بونا گؤره ده یئنی س.س.ر.ی-نین یارادیلماسی خولیادان باشقا بیر شئی دئییل».

قئید ائدک کی، س.س.ر.ی-نین سون پرئزیدئنتی میخاییل قورباچوو بیر مدت اؤنجه اتفاقین یئنی فورماتدا برپاسینین مومکونلویون دیله گتیریب.

روسییا کوممونیست پارتییاسینین صدری گئننادی زوقانوو ایسه روسییا، بئلاروس، قازاخیستان و اوکراینانین گله‌جک‌ده یئنی اتفاق دؤولتی یارادا بیله جه یینی آچیقلاییب.

عوموم روسییا اجتماعی فیکرین تدقیقاتی مرکزینین س.س.ر.ی-نین یئنیدن برپا اولونماسی ایله باغلی کئچیردیی سورغودا ۶۳ فاییز س.س.ر.ی-نین سوقوطون‌دان تاسسوفله ندیینی بیلدیریب.

روسلار س.س.ر.ی-نین برپاسینی ایسته‌مه‌سه‌لر ده، ۵۲ فاییز کئچمیش پوستسووئت اؤلکه‌لرینین یئنی اتفاق‌دا بیرلشمه یینه اینانیرلار.