ائرمنیستانین آزاتوتیونتو-نین ائفیرین‌ده اؤتن ایلین آپرئلین‌ده جبهه‌ده باش وئره‌ن حادثه‌لر موذاکیره اولونوب.

آخار .آذ خبر وئریر کی، پروگراما قاتیلان ائکسپئرتلر ایروان حاکمیتینی تنقید ائد‌رک آذربایجانین آشکار اوستونلوک قازاندیغینی اعتراف ائدیبلر.

رئگیونال آراش‌دیرمالار مرکزینین دیرئکتورو ریچارد گیراقوسیان آپرئل ساواشین‌دان ایکی نتیجه چیخاردیغینی دئییب:

«بیرینجی‌سی، بو بیزیم خوشوموزا گلسه ده، گلمه‌سه ده، ایلک دفعه آذربایجان اراضی لر توتماغا نایل اولدو. ایکینجی‌سی، بو، بؤیوک اهمیت داشیییر. بو حادثه‌لر نتیجه‌سینده بللی اولدو کی، کورروپ‌سییا میللی تهلوکه‌سیزلییه تهدیددیر. ایندی بو، داها بؤیوک اهمیت کسب ائدیر، چونکی سئچکی عرفه‌سین‌ده موذاکیره گونده‌مینی فورمالاشدیریر».

پولیتولوگ آلئکساندر ایسگنداریانین فیکرینجه ایسه آپرئل محاربه‌سی گؤستریب کی، کیچیک بیر اراضینی آزاد ائتمه‌سی هئچ ده آذربایجانین هدفی دئییلدی:

«آذربایجان ۲۲ ایل محاربه‌یه حاضیرلاشیب. سون دؤرد-بئش ایلده ۲۰ میلیارد دوللاردان چوخ حربییه وثایت خرجله نیب. عملیات یئترینجه ساوادلی ایدی. چوخ گومان کی، عملیات، بئله دئیک، باشقا اؤلکه‌لردن اولان مصلحت‌چیلر طرفیندن پلانلاشدیریلمیش‌دی. تئکنیکا کیفایت قدر سانبال‌لی ایدی. آذربایجان دؤیوشلره خصوصی تعیینات‌لیلاری چیخارمیش‌دی. گومان ائدیره‌م کی، آذربایجانین هدفی باشقادیر»، – پولیتولوگ دئییب.

پولیتولوگ هاکوب بادالییان ۲۰ ایللیک آتشکس دؤورون‌ده ائرمنیستانین حربی-سیاسی ائلیتاسینین بیرینجی قاراباغ محاربه‌سینین آرخایینلیغینا قاپیلدیغینی قئید ائدیب.