قاراباغین ایستاتوسو موعیینلشمه‌دن آذربایجانین ایشغال ائدیلمیش تورپاقلارینین گئری قایتاریلماسی باره‌ده دئییله‌نلر ساییقلامادیر.

آخار .آذ ائرمنی مئدیاسینا ایستینادلا خبر وئریر کی، بو سؤزلری ائرمنی پرئزیدئنت سئرژ سرکیسیان دئییب. او قئید ائدیب کی، ائرمنیستان اوچون ان اؤنملی مسئله داغلیق قاراباغ اوچون ائله بیر ایستاتوس الده ائتمک‌دیر کی، اونون اهالیسی همیشه اورادا یاشایا بیلسین: «کیم تورپاقلاری گئری وئرمک ایسته ییر، هانسی تورپاقلاردان صحبت گئدیر، بو دییشمه نئجه‌دیر – ایکی طرفلی دانیشیقلاردیر».

سرکیسیان قاراباغ‌دا اولموش ائرمنی تئررورچولاردان بیرینه اوز توتاراق دئییب: «سونرا سنین گؤزلرینه نئجه باخارام؟ سن سونرا منه دئمزسنمی کی، من او تورپاقلاری قورودوم، یولداشلاریم اؤلدو، آنجاق سن اونو هئچ نسیز گئری قایتاریرسان؟»

سرکیسیان جبهه خطینین گئجگؤرمه جیهازلاری ایله تام تامین ائدیلدیینی ده بیلدیریب.