موستقیل آذربایجان دؤولتینین بیرینجی پرزیدنتی آیاز مطلبوو روسییانین خاریجی ایشلر ناظری سئرگئی لاورووون داغلیق قاراباغلا باغلی سسلندیردیی فیکیرلره موناسیبت بیلدیریب.

آیاز مطلبوو اؤلکه. آذ-آ آچیقلاماسین‌دا دئییب کی، سرگی لاورووون داغلیق قاراباغلا باغلی آچیقلاماسی عدالتلی دئییل:

«آرتیق ۲۵ ایلدیر کی، بو موناقیشه ایله باغلی مسئله بین الخالق سویه ده مذاکیره اولونور. بونا مثال اولاراق، روسییانین دا تمثیل اولوندوغو آوروپا تهلوکسیزلیک و امکداشلیق تشکیلاتینین مینسک قروپونون بو نئچه ایللیک فعالیتینی سؤیله‌مک اولار. همین مینسک قروپوندا روسییا ایله یاناشی، آمئریکا و فرانسا دا تمثیل اولونور. سرگی لاوروو بیان ائدیر کی، گویا آذربایجان داغلیق قاراباغلا باغلی اؤزباشینا هئچ نه ائده بیلمز. آنجاق بو بئله دئییل. بو گون آذربایجانین تام ایختیاری وار کی، ایسته‌نیلن آن گوج یولو ایله تورپاقلارینی ایشغالدان آزاد ائتسین. بونو آذربایجان جمعیتی ده یئکدیل‌لیکله قبول ائدیر. من آذربایجانین خاریجی ایشلر ناظری المار مممدیارووون بو مسئله ایله باغلی بیاناتینی اوخودوم. اورادا سرگی لاورووون فیکیرلرینه ده جاواب وئریلیب».

آیاز مطلبوو قید ائدیب کی، داغلیق قاراباغ موناقیشه‌سینین تالعیی مسئله‌سینه رسمی واشینگتون ایله موسکوا آراسین‌دا موناسیبتلردن وضعیتی ده جدی تأثیر ائده بیلر:

«اگر آمئریکاو روسییا دؤولت باشچیلاری دیل تاپیب عمومی راضیلیغا گله بیل‌سلر، او زامان آذربایجان دا بو وضعیتی نظردن کئچیرمه‌لی‌دیر. اگر دیل تاپیلماسا و دونیادا بو جور موناقیشه‌لر داوام ائتسه، او زامان آرتیق آذربایجان دا اؤز تدبیرلرینی گؤرمه‌لی‌دیر».