آذربایجان پرئزیدئنتی ایلهام علیئوین بو گون ایرانا سفری باشلاییر. بونو «سکایپ»لا مندن موصاحیبه آلان ایرانلی ژورنالیست دئدی.

آخار. آز خبر وئریر کی، بو باره‌ده پولیتولوگ ائلخان شاهین وغلو بیلدیریب. او قید ائدیب کی، ایران مئدیاسینا آچیقلاماسیندا سفرین اهمیتی حاقیندا دانیشیب:

«ایرانلا آذربایجان آراسیندا اقتصادی مناسیبتلر اینکیشاف ائدیر، بیرگه لاییحه‌لر رئاللاشیر، آنجاق سیاسی دایره‌لریمیزین و جمعیتیمیزین قونشو اؤلکه‌دن باشقا گؤزلنتیسی وار: داغلیق قاراباغ مسئله‌سین‌ده ایراندان، سیاسی و دینی دایره‌لردن رئال دستک گؤزلییریک، آذربایجان تورپاقلارینین ایشغالینا، مسجیدلرین داغیدیلماسینا اعتراضینیزی گؤزلییریک. بیلدیرین بو اعتراضی ائرمنیستان رسمیلرینه! آذربایجانین اراضی بوتؤولویونه سؤزده و عملده دستک لازیمدیر. ایران بونو ائدرسه، ایکیلی مناسیبتلر داها چوخ اینکیشاف ائدر».

قید ائدک کی، ایران مئدیاسی پرزیدنت ایلهام علیئوین ایران دؤولتینین رهبرلری ایله سیاسی و اقتصادی مسئله‌لری مذاکیره ائدجیینی یازیب.

ایلهام علیئو سونونجو دفعه ۲۰۱۶-جی ایل فورالیندا ایرانا سفر ائتمیشدی.