مارتین ۵-ده آذربایجان رئسپوبلیکاسینین پرزیدنتی ایلهام علیئوین تهراندا رسمی قارشیلانما مراسیمی اولوب.

آخار. آذ خبر وئریر کی، آذربایجان پرزیدنتی ایلهام علیئو سوواری دسته‌سینین مشایعتی ایله «سعداباد» سارایینا گئدیب.

آذربایجانین و ایرانین دؤولت بایراقلارینین دالغالاندیغی «سعداباد» سارایینین قارشیسینداکی میداندا پرزیدنت ایلهام علیئوین شرفینه فخری قارووول دسته‌سی دوزولوب.

ایران پرزیدنتی حسن روحانی آذربایجان پرزیدنتی ایلهام علیئوی قارشیلاییب. آذربایجانین و ایرانین دؤولت هیمنلری سسلنیب.

فخری قارووول دسته‌سینین ریسی آذربایجان پرزیدنتینه راپورت وئریب. دؤولت باشچیلاری فخری قارووول دسته‌سینین اؤنوندن کئچیبلر. سونرا پرزیدنتلر بیرگه فوتو چکدیریبلر.

ایرانین دؤولت و حکومت نماینده‌لری آذربایجان پرزیدنتی ایلهام علیئوه، آذربایجان نماینده هئیتینین عضولری ایسه ایران پرزیدنتی حسن روحانییه تقدیم اولونوب.

رسمی قارشیلانما مراسیمی باشا چاتدیقدان سونرا آذربایجان رئسپوبلیکاسینین پرزیدنتی ایلهام علیئوین و ایران ایسلام رئسپوبلیکاسینین پرزیدنتی حسن روحانینین تکبتک گؤروشو اولوب.