آتت-این مینسک قروپو همصدرلری بو گون ایرواندا رسمی گؤروشلر کئچیریبلر. همصدرلر ارمنیستان پرزیدنتینی و خاریجی ایشلر ناظرینی باکی‌داکی گؤروشلرینین نتیجه‌لری بارده معلوماتلاندیریبلار. ائله بیل کی، همصدرلر مناقیشه‌نین حلی ایله دئییل، اوردان بورا، بوردان اورا خبر داشیماقلا مشغول‌دورلار.

آخار. آذ خبر وئریر کی، بو سؤزلری پولیتولوگ ائلخان شاهین اوغلو همصدرلرین بؤلگه‌یه سون سفرینه مناسیبتینده قید ائدیب. او بیلدیریب کی، همصدرلرین قیسا زامان کسیینده باکییا و ایروانا سفرلرینین یئگانه مقصدی آپرل آیینین ساکیت کئچمه‌سینه نایل اولماقدیر:

«چونکو رسمی ایروان کیمی همصدرلر ده دوشونور کی، آپرل دؤیوشلرینین بیر ایللیینده آذربایجان اوردوسو یئنی‌دن حربی عملیات حیاتا کئچیره بیلر. آنجاق همصدرلر ساواش تهلوکسیندن اول آپرلین ۲-ده ارمنیستاندا پارلامنت سئچکیسینین نتیجه‌لری ایله تانیش اولمالیدیرلار. «ارمنیستاندا سئچکی گونو و سونراسی نه باش وئره‌جک» سوالی «آپرلده جبهه بؤلگه‌سینده یئنیدن توققوشمالار اولاجافمی» سوالی قدر آکتوالدیر».