صاباحدان آذربایجاندا کئچیریلجک ۲۰۱۷ فورمولا ۱ آذربایجان قران-پری یاریشی ایله عالاقدار آذربایجانا گلن اجنبیلر و وطنداشلیغی اولمایان شخصلر خاریجی ایشلر ناظیرلیینین کنسوللوق ایداره‌سینین آذربایجانین بین الخالق هاوا لیمانلاریندا یئرلشن ایستروکتور بؤلمه‌لرینده ویزا آلا بیلرلر.

آپا-نین معلوماتینا گؤره، بو، آذربایجان پرزیدنتی ایلهام علیئوین ۲ مارت ۲۰۱۷-جی ایله تاریخلی «۲۰۱۷ فورمولا ۱ آذربایجان قران-پری یاریشینین تشکیلی و کئچیریلمه‌سی ایله باغلی آذربایجان رسپوبلیکاسینا گله‌جک اجنبیلر و وطنداشلیغی اولمایان شخصلر اوچون ویزا پروسدورلارینین ساده لشدیریلمه‌سی حاقیندا» سرانجامین‌دا عکسینی تاپیب.

سرانجاما اساساً آذربایجان‌دا کئچیریله‌جک ۲۰۱۷ فورمولا ۱ آذربایجان قران-پری یاریشی ایله علاقدار آذربایجانا گلن اجنبیلر و وطنداش‌لیغی اولمایان شخصلر ۲۰۱۷-جی ایل مایین ۱۵-دن ایولون ۱۵-دک خاریجی ایشلر ناظیرلیینین کونسوللوق ایداره‌سینین آذربایجانین بین الخالق هاوا لیمانلاریندا یئرلشه‌ن ایستروکتور بؤلمه‌لرینده ویزا آلا بیلرلر.

فورمولا ۱ یاریشلارینین بین الخالق تشکیلاتچیلاری اولان «فورمولا وان منجمنت لیمیتد» شیرکتینین و بینلخالق آوتومبیل فدراسییاسینین موافیق قایدالارینا اویغون اولاراق آکردیتاسییادان کئچمه‌نی تصدیق ائد‌ن کارت و یا دیگر سند، یاخود باکی شهر حالقاسی عملیات شیرکتینده آکردیتاسییادان کئچمه‌نی تصدیق ائد‌ن کارت ویزا وئریلمه‌سی اوچون اساس حساب ائدیله‌جک.