بریتانییا پلیسی «مانجستر آرنا» ایستادیونوندا باش وئرن پارتلاییشین تحقیقاتی ایله علاقدار مانچستر شهرینین مرکزینده آختاریشلار آپاریر.

آخار. آذ خبر وئریر کی، بو باره‌ده معلومات شهرین پلیس ایدارسینین رسمی تویتر صحیفه‌سینده یئرلشدیریلیب. معلوماتدا، همچینین تهلوکسیزلیین تعمین اولونماسی اوچون عملیاتین کئچیریلدیی رایوندا دمیر یول خطلرینین ده موقتی باغلاندیغی دئییلیر.

خاطیرلاداق کی، مایین ۲۲-ده «مانجستر آرئنا» ایستادیونوندا آمریکالی موغننی آریانا گراندنین چیخیشیندان سونرا پارتلاییش باش وئریب. پارتلاییجی قورغو کنسرت زالینین خاریجینده - فویه ده ایشه دوشوب. سون معلوماتا اساساً، حادثه نتیجه‌سینده ۲۲ نفر هلاک اولوب، ۱۲۰ نفر مختلیف درجه‌لی خسارتلر آلیب، اونلاردان ۵۹-او هله ده خسته خانالاردا معالیجه آلیر. بوندان باشقا، بیر نئچه یئنی‌یئتمه ایتکین دوشموش ساییلیر. حکیملر ۲۰ نفرین وضعیتینین آغیر اولدوغونو قید ائدیر.

بو گون گونورتا ساعتلاریندا مانچستر پلیسی ترور آکتینین بیر قروپ شخص طرفیندن تشکیل اولوندوغونا دایر بیانات یاییب. بیر قدر اول ایسه هجومون ترورچو-کامیکادزه طرفیندن تکباشینا حیاتا کئچیریلدیی بیلدیریلیردی.

حادثه‌نین مسئولیتینی ایشید قروپلاشماسی اوزرینه گؤتوروب.