اؤتن گئجه جبهه بؤلگه‌سینده باش وئرن گرگینلیک نتیجه‌سینده ارمنیستان سلاحلی قوه‌لرینین ۵ حربچی‌سی اؤلدورولوب، داها ۳ نفری یارالانیب.

رئپورت خبر وئریر کی، بو باره‌ده سوسیال شبکه‌لرده ارمنیستانین آکتیو صحیفه‌لریندن بیری معلومات یاییب.

خبرده قید اولونور کی، خانکندی حربی خسته خاناسینا ۵ اؤلو، ۳ یارالی حربی قوللوقچو آپاریلیب. حاضردا اؤلن و یارالیلارین آدلاری دقیقلشدیریلیر.

«ارمنیستان مدافعه ناظرلیگی کوماندان‌لیغی بو رژیمله برابر خالق‌دان حقیقتی نه مقصدله گیزلدیر؟ جبهه‌ده داوام ائد‌ن گرگینلیکدن سونرا همیشه اولدوغو کیمی اوردونون ایتکی وئرمدیی حاقیندا معلومات وئریلدی. آپرل دؤیوشلرینده ده بئله ائدیردیلر. اوردو کوماندانلیغی دییشدی، اما ایتکیلرین ساییندا هئچ نه دییشمدی»، - معلوماتدا بیلدیریلیر.

معلوماتدا همچینین قید اولونوب کی، مارداکرتده یئرلشن حربی حیصه‌لردن بیرینده حربی قوللوقچولار آراسیندا کوتلوی زهرلنمه فاکتی قیده آلینیب.